ចាប់ពីថ្ងៃនេះទៅ អាជ្ញាធរជាតិអប្សរា នឹងចេញច្បាប់ថ្មីចំពោះអ្នកបើកបរទោចក្រយានយន្ត មកកម្សាន្តនៅក្នុងក្រុងអង្គរធំ

សៀមរាប៖ យោងតាមគណនីផេកផ្លូវការរបស់អាជ្ញាធរជាតិអប្សរាបានបញ្ជាក់អំពីច្បាប់ថ្មីមួយដែលអនុវត្តន៍ចាប់ពីថ្ងៃពីថ្ងៃនេះទៅ គឺមិនអនុញ្ញាតឲ្យទោចក្រយានយន្តជិះឡើងលើកំពែងក្រុងអង្គរធំជាដាច់ខាត ប៉ុន្តែការថ្មើរជើងនិង កង់គឺមិនត្រូវបានហាមឃាត់នោះទេ។

ក្នុងគោលបំណងថែរក្សា ការពារអភិរក្ស និងលើកតម្លៃជាសកលនៃកំពែងក្រុងអង្គរធំ ក៏ដូចជាដើម្បីចៀសវាងការប៉ះពាល់ជាយថាហេតុដល់រចនាសម្ពន្ធសំណង់បុរាណ ពិសេសគឺជួយសម្រួលដល់ការងារជួសជុលកំពែងខ្លោងទ្វារតាកាវដែលកំពុងអនុវត្តការងារដោយអ្នកជំនាញខ្មែរ អាជ្ញាធរជាតិអប្សរា សូមជូនដំណឹងដល់សាធារណជនទាំងអស់ថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ហាមបើកម៉ូតូឡើងលើកំពែងក្រុងអង្គរធំ លើកលែងតែក្នុងករណីមានការអនុញ្ញាតពីអាជ្ញាធរជាតិអប្សរា។

២. អនុញ្ញាតការធ្វើដំណើរលើកំពែងក្រុងអង្គរធំសម្រាប់តែអ្នកថ្មើរជើងនិងធ្វើដំណើរដោយកង់តែប៉ុណ្ណោះ។

កិច្ចការនេះចាប់អនុវត្តពីថ្ងៃទី១៧ ខែកុម្ភៈ ឆ្នាំ២០២១នេះតទៅ៕

សូមចូលទស្សនារូបភាពនិង លំខិតដែលបានចេញដោយ អាជា្ញធរជាតិអប្សរា៖