រ៉ុក្កែត Falcon 9 របស់ក្រុមហ៊ុន SpaceX ធ្លាក់ចូលក្នុងសមុទ្រក្រោយបរាជ័យក្នុងការចុះចត (មានវីដេអូ)

បរទេស៖ រ៉ុក្កែត Falcon 9 របស់ SpaceX បានធ្លាក់ចូលក្នុងមហាសមុទ្របន្ទាប់ពីបរាជ័យក្នុងការចុះចតនៅលើកន្លែងចុះចតលើទឹក។

រ៉ុក្កែត Falcon 9 បានបាញ់បង្ហោះផ្កាយរណប Starlink ចំនួន60 ចូលទៅក្នុងអវកាសដោយជោគជ័យមុនម៉ោង11យប់ នៅស្ថានីយកងកម្លាំងអវកាស Cape Canaveral នៅរដ្ឋផ្លរីដា ដែលជាបេសកកម្ម Starlink ទី19 របស់ក្រុមហ៊ុន។ វាក៏ជាការបាញ់បង្ហោះលើកទី5 របស់ SpaceX នៅឆ្នាំ2021ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្កាយរណប Starlink ដែលជាបណ្តាញផ្កាយរណបជាច្រើនដែលកំពុងនៅជុំវិញភពផែនដី ត្រូវបានបង្កើតឡើងដើម្បីផ្តល់ជូននូវអ៊ិនធឺណិតល្បឿនលឿន ទាំងនៅក្នុងស្រុក និងអន្តរជាតិ ហើយនឹងបន្តពង្រីកទៅគ្របដណ្តប់ទូទាំងពិភពលោកនៅឆ្នាំ2021។

បន្ទាប់ពីបាញ់បង្ហោះផ្កាយរណប Starlink ចំនួន60 ចូលទៅក្នុងអវកាសដោយជោគជ័យហើយ រ៉ុក្កែតដំណាក់កាលទីមួយរបស់ Falcon 9 បានផ្តាច់ចេញពីរ៉ុក្កែតទាំងមូល ហើយព្យាយាមចុះចតនៅលើនាវាចុះចតឈ្មោះថា "Of Course I Still Love You" ដែលកំពុងអណ្តែតនៅមហាសមុទ្រអាត្លង់ទិច។ តែបន្ទាប់ពីប្រមាណ9នាទី រ៉ុក្កែតបានចុះខុសគោលដៅរបស់វា.។

វិស្វករ SpaceX Jessica Anderson បាននិយាយថា “ជាអកុសល យើងមិនបានស្រង់ booster នេះឡើងមកវិញទេ ប៉ុន្តែរ៉ុក្កែតដំណាក់កាលទី2របស់យើងកំពុងស្ថិតក្នុងគន្លងនៅឡើយ”៕

• វិទ្យាសាស្រ្ត
• វីដេអូ