គ្មានបាច់ផ្កាមិនបាច់ប៊្រេនៗ Davikah និង Ter បណ្តើរគ្នាតាមផ្លូវ យ៉ាងផ្អែមល្ហែម

ថៃ៖ ទោះថ្ងៃបុណ្យសេចក្តីស្រលាញ់ កន្លងទៅផុតបានប៉ុន្មានថ្ងៃហើយក្តី ក៏គូស្នេហ៍តារាសម្តែងនាង Mai Davikah និងលោក Ter Chantavit នៅតែបង្ហោះរូបភាពជាច្រើនសន្លឹក បានធ្វើឲ្យអ្នកគាំទ្រ មិនច្រណែនមិនបាន ពីភាពផ្អែមល្ហែមរបស់ពួកគេ។

ជាក់ស្តែងនៅលើបណ្តាញសង្គមអ៊ីនស្តារក្រាម របស់តារាស្រី Daivkah បានចែកចាយពីភាពរ៉ូមែនទិក ជាមួយគូស្នេហ៍ដែលជាលោក Ter ដែលអ្នកទាំងពីរបានកៀក កណ្ដើរគ្នាយ៉ាងសាមញ្ញ រួមជាមួយខោអាវបែបធម្មតា ថែមទាំងថតរូបឲ្យគ្នា តាមបែបជីវិតគូស្នេហ៍ទូទៅ មើលទៅពិតជាមានក្តីសុខខ្លាំងមែនទែន ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ទោះបីជាគូស្នេហ៍មួយគូនេះ មិនបានទិញបាច់ផ្កា ឬក៏ចូលហាងប្រណីតប្រ៊េនៗ ក្នុងថ្ងៃពិសេសយ៉ាងណាក្តី ក៏នៅតែមានក្តីសុខ តាមបែបចំណង់ចំណូលចិត្តរបស់អ្នកទាំងពីរ ជាពិសេសនោះ ការផ្តល់ពេលវេលាឲ្យគ្នាទៅវិញទៅមក និងការយល់ចិត្តគ្នា វាជាសាក្ខីភាពបញ្ជាក់ នៃចំណងស្នេហ៍កាន់តែចាស់ទុំរបស់អ្នកទាំងពីរដូច្នេះដែរ៕

សូមទស្សនារូបភាពខាងក្រោម៖

• តារាថៃ