មិនសរសើរមិនបាន! មកលើកនេះ ស្រីស្អាត Ka Bella ផ្ដួចផ្ដើមនាំយុវជនខ្មែរក្មេងៗជាច្រើនរូប ចូលរួមបរិច្ចាគថវិការផ្ទាល់ខ្លួន ដើម្បីជួយដល់អ្នកខ្វះខាត! (មានវីដេអូ)

ភ្នំពេញ៖ ជាការពិតណាស់ ដូចដែលប្រិយមិត្តដែលកំពុងតែតាមដាន និងគាំទ្រ កញ្ញា Ka Bella បានដឹងរួចហើយថា ស្រីស្អាតរូបនេះក្រៅពីមានរូបសម្រស់ស្រស់ស្អាតហើយ ថែមទាំងមានទឹកចិត្តដ៏ប្រពៃថែមទៀតផង ដោយនាងតែងតែបានចូលរួមចំណែក ក្នុងការងារមនុស្សធម៌ជាច្រើនហូរហែរ។

ជាក់ស្ដែងនាពេលថ្មីៗនេះ ឆ្លៀតក្នុងឪកាសនៃពិធីបុណ្យប្រពៃណីចិន ក៏ដូចជាទិវានៃក្ដីស្រលាញ់ ស្រីស្អាត Ka Bella បានបង្កើតកម្មវិធីមួយដែលមានឈ្មោះថា «អាំងប៉ាវនៃក្ដីស្រលាញ់» ។ ជាមួយគ្នានោះដែរ Ka Bella ក៏បាននាំយុវជនខ្មែរក្មេងៗជាច្រើនរូប ចូលរួមក្នុងកម្មវិធីមនុស្សធម៌មួយនេះ ដោយអនុញ្ញាតឲ្យក្រុមយុវវ័យរបស់យើង បរិច្ចាគថវិការផ្ទាល់ខ្លួន ដាក់នៅក្នុងអាំងប៉ាវទៅតាមលទ្ធភាព ដើម្បីយកទៅជូនដល់លោកតា លោកយាយ អ៊ុំ ពូនិងមីង ដែលខ្វះខាតនៅតាមសាធារណៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ក្រោយពីបានបញ្ចប់បេសកម្មមនុស្សធម៌ថ្ងៃទី១រួច នាថ្ងៃបន្ទាប់ កញ្ញា Ka Bella ព្រមទាំងក្រុមការងារ​ក៏បាននាំយកនូវរបស់របរ​សម្រាប់បរិភោគមួយចំនួន ដែលជាទឹកចិត្តផ្ទាល់ខ្លួនរបស់កញ្ញា ព្រមទាំងថវិកាមួយចំណែក​ ដែលទទួលបានពីការដើររៃអង្គាសពីក្រុមយុវជន ដើម្បីយកទៅជូនដល់លោកតា លោកអ៊ុំ ធាក់ស៊ីក្លូ និងមីងៗដែលជាអ្នកបោះសំអាតសំរាមតាមដងផ្លូវផងដែ​រ។

យ៉ាងណាមិញ បន្ទាប់ពីវីដេអូមនុស្សធម៌មួយនេះ បានបង្ហោះទៅលើបណ្ដាញសង្គមរួច កញ្ញា Ka Bella ក៏ទទួលបានការកោតសសើរជាខ្លាំង ជាពិសេសបានធ្វើឲ្យយុវជនក្មេងៗរបស់យើង ងាកមកចាប់អារម្មណ៍ចូលរួមកិច្ចការងារមនុស្សធម៌ដើម្បីជួយដល់អ្នកកំពុងតែខ្វះខាតថែមទៀតផង៕

សូមតាមដានទស្សនាវីដេអូខាងក្រោម៖