គ្រូបង្រៀនអាយុ21ឆ្នាំម្នាក់ បានក្លាយជាស្ត្រីក្មេងជាងគេ ដែលបានចែវទូកឆ្លងមហាសមុទ្រអាត្លង់ទិកតែឯង

អង់គ្លេស៖ យោងតាមយុទ្ធនាការ Atlantic Campaigns បានឲ្យដឹងថា នារីជនជាតិអង់គ្លេសម្នាក់ឈ្មោះ Jasmine Harrison អាយុ២១ឆ្នាំ បានក្លាយជានារីវ័យក្មេងបំផុតដែលបានចែវទូកឆ្លងកាត់មហាសមុទ្រអាត្លង់ទិកក្នុងចម្ងាយ៣,០០០ម៉ាយល៍ (៤,៨០០ គីឡូម៉ែត្រ) ចេញពីប្រទេសអេស្ប៉ាញ ទៅកោះ Antigua។ 

កញ្ញា Harrison បានបញ្ចប់ការប្រកួត 2020 Talisker Whiskey Atlantic Challenge កាលពីថ្ងៃសៅរ៍ក្នុងរយៈពេល៧០ថ្ងៃ ៣ម៉ោង និង៤៨នាទី ដែលជាឯតទគ្គកម្មពិភពលោកថ្មីសម្រាប់ស្ត្រីក្មេងជាងគេដែលឆ្លងកាត់មហាសមុទ្រ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កញ្ញា Harrison មកពីទីប្រជុំជន Thirsk ក្នុងតំបន់ North Yorkshire ប្រទេសអង់គ្លេស បានសរសេរនៅលើគេហទំព័ររបស់នាងថា នាងមានគំនិតចូលរួមក្នុងការប្រកួតប្រជែងនេះនៅពេលនាងបានមើលការប្រកួតផ្តាច់ព្រ័ត្រឆ្នាំ២០១៨ ខណៈនាងកំពុងបង្រៀនហែលទឹកនៅឯការីបៀន។

Atlantic Campaigns បាននិយាយថា Harrison បានបង្កើតឯតទគ្គកម្មពិភពលោកថ្មីសម្រាប់ស្ត្រីក្មេងជាងគេដែលបានចែវទូកឆ្លងមហាសមុទ្រតែម្នាក់ឯង។

នាងនិយាយថា នាងសង្ឃឹមថានឹងនាំការលើកទឹកចិត្តដល់យុវជនថា វាមិនអីទេក្នុងការធ្វើរឿងអ្វីមួយតែម្នាក់ឯង នេះបើយោងតាមទំព័រហ្វេសប៊ុករបស់នាង៕

• យុវវ័យ
• បរិស្ថាន
• ជីវិត
• ជំរុញទឹកចិត្ត