វីតាមីន D ធ្លាក់ចុះ ងាយកើតមានជំងឺទឹកនោមផ្អែម?

វីតាមីន D ត្រូវបានទទួលស្គាល់ថាជាវីតាមីនសំខាន់មួយសម្រាប់ធ្វើឲ្យដំណើរការក្នុងរាងកាយប្រព្រឹត្តទៅដោយរលូន និងជួយការពារមនុស្សយើងពីជំងឺជាច្រើនមុខ និងរួមទាំងជំងឺទឹកនោមផ្អែមប្រភេទ២ផងដែរ។

មនុស្សយើងអាចទទួលបានវីតាមីន D តាមរយៈពន្លឺព្រះអាទិត្យ អាហារបំប៉ន និងអាហាជាក់លាក់មួយចំនួនដូចជាផ្លែប័រ គ្រាប់ almond ប័រសណ្ដែកដី និងអាហារមួយចំនួនផ្សេងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. វីតាមីន D ជួយដល់រាងកាយយ៉ាងម៉េចវិញ?

វីតាមីន D ដើរតួរយ៉ាងសំខាន់ក្នុងការរក្សារាងកាយមនុស្សយើងឲ្យមានសុខភាពល្អ។ តាមការសិក្សាបង្ហាញថាមនុស្សយើងត្រូវការវីតាមីន D ដើម្បីដំណើរការរាងកាយ។ វីតាមីន D មិនត្រឹមតែបានជួយឲ្យរាងកាយមានភាពធន់ទេ តែក៏ជួយដល់សុខភាពឆ្អឹង និងពង្រឹងសាច់ដុំទៀតផង។ បើនិយាយដល់អ្នកមានជំងឺទឹកនោមផ្អែមវិញ វីតាមីននេះក៏ជាការពារអ្នកជំងឺពីបញ្ហាមួយចំនួនផងដែរ។

ក្រុមអ្នកស្រាវជ្រាវជឿថាវីតាមីន D ជួយកាត់បន្ថយកម្រិតកូលេស្តេរ៉ូលអាក្រក់។ ការជួយកាត់បន្ថយកម្រិតកូលេស្តេរ៉ូលអាក្រក់នេះមានប្រយោជន៍ដល់អ្នកមានជំងឺទឹកនោមផ្អែម ដោយសារអ្នកមានជំងឺទឹកនោមផ្អែមងាយនឹងកើតមានជំងឺបេះដូង។ តាមការសិក្សា អ្នកមានជំងឺទឹកនោមផ្អែម ទំនងជាអាចស្លាប់ដោយសារជំងឺបេះដូងពីរដងខ្ពស់ជាងមនុស្សធម្មតា។

មនុស្សយើងជាច្រើនបានដឹងថាកង្វះកាល់ស្យូមធ្វើឲ្យឆ្អឹងខ្សោយ តែទំនងជាមិនសូវបានគិតដល់ទេថាវីតាមីន D បានពីពន្លឺព្រះអាទិត្យ ក៏ជួយឲ្យឆ្អឹងយើងរឹងមាំដែរ ហើយយើងត្រូវការពន្លឺព្រះអាទិត្យច្រើនដូចយើងត្រូវការកាល់ស្យូមអ៊ីចឹងដែរ។ វីតាមីន D ជួយឲ្យរាងកាយស្រូបកាល់ស្យូមបានល្អ និងជួយដល់ឆ្អឹង។

២. ទំនាក់ទំនងវីតាមីនD និងជំងឺទឹកនោមផ្អែម

វីតាមីន D និងជំងឺទឹកនោមផ្អែមប្រភេទ២ មានទំនាក់ទំនងគ្នាទៅវិញទៅមក។ ការសិក្សារកឃើញថាអ្នកមានបញ្ហាស៊ាំនឹងអាំងស៊ុយលីន និងមានកម្រិតវីតាមីនD ទាបទៀតនោះ នឹងប្រឈមខ្ពស់ក្នុងការវិវត្តទៅជាជំងឺទឹកនោមផ្អែមប្រភេទ២។

សម្រាប់អ្នកមានជំងឺទឹកនោមផ្អែមវិញ ក៏អាចប្រឈមនឹងការធ្លាក់ចុះនៃកម្រិតវីតាមីនD ដែរ ដោយសារកោសិកាលំពែងមួយចំនួនដំណើរការមិនត្រឹមត្រូវតាមតួនាទី តែបែរជាប្រឹងផលិតអាំងស៊ុយលីនទៅវិញ។

ការសិក្សាលើអ្នកប្រឈមនឹងកើតជំងឺទឹកនោមផ្អែម និងអ្នកទើបកើតជំងឺទឹកនោមផ្អែមចំនួន៩៦នាក់ រកឃើញទៀតថា ការប្រើប្រាស់អាហារបំប៉នវីតាមីន D ចំនួនប្រាំមួយខែ បានបង្កើនភាពរំញោចនិងការផលិតអាំងស៊ុយលីន។ ការសិក្សាមួយផ្សេងទៀតបានរកឃើញថាការទទួលបានវីតាមីនD គ្រប់គ្រាន់ ជួយកាត់បន្ថយបញ្ហាភាពស៊ាំនឹងអាំងស៊ុយលីន។

៣. ប្រភពនៃវីតាមីន D

ដើម្បីទទួលបានវីតាមីន D យើងអាចចំណាយពេលនៅក្រៅផ្ទះឲ្យត្រូវពន្លឺព្រះអាទិត្យពីប្រាំទៅ៣០នាទី ឲ្យបានយ៉ាងតិចពីរដងក្នុងមួយសប្ដាហ៍។

ក្រៅពីនេះយើងអាចទទួលបានវីតាមីន D តាមរយៈអាហារមួយចំនួនដូចជា ស៊ុត ផ្សិត ត្រីសាល់ម៉ុន ត្រីធូណា ឈីស និងទឹកដោះគោ ជាដើម។ ដូចគ្នាដែរ បើសិនជារាងកាយយើងមានវីតាមីនD ទាបពេក គ្រូពេទ្យអាចចេញវេជ្ជបញ្ជាឲ្យយើងប្រើអាហារបំប៉នវីតាមីន D ផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

វីតាមីន D ធ្លាក់ចុះ ងាយ​កើតមានជំងឺ​ទឹកនោមផ្អែម?

១. វីតាមីន​ D ជួយ​ដល់​រាង​កាយ​យ៉ាង​ម៉េច​វិញ?

២. ទំនាក់​ទំនង​វីតាមីនD និង​ជំងឺ​ទឹក​នោម​ផ្អែម​

៣. ប្រភព​នៃ​វីតាមីន​ D

In Case You Missed It

វីតាមីន D ធ្លាក់ចុះ ងាយកើតមានជំងឺទឹកនោមផ្អែម?

១. វីតាមីន D ជួយដល់រាងកាយយ៉ាងម៉េចវិញ?

២. ទំនាក់ទំនងវីតាមីនD និងជំងឺទឹកនោមផ្អែម

៣. ប្រភពនៃវីតាមីន D