រូបគំនូរឌីជីថលឆ្មាដ៏ល្បីល្បាញលើអ៊ីនធើណេត ដាក់ដេញថ្លៃលក់បានតម្លៃដល់ទៅ៦០៥,០០០ដុល្លារ

បរទេស៖ យើងប្រាកដជាធ្លាប់បានឃើញហើយនូវរូបតុក្កតាឆ្មាដែលមានឥន្ទធនូចេញពីខាងក្រោយឈ្មោះថា Nyan Cat នៅតាមបណ្តាញសង្គមអ៊ីនធើណេតផ្សេងៗ។ លោក Chris Torres បានបង្កើតគំនូរជីវចលឆ្មាឥន្ទធនូនេះឡើងដោយផ្អែកលើសត្វចិញ្ចឹមរបស់គាត់ផ្ទាល់ ហើយបានបង្ហោះវាទៅក្នុងយូធូបក្នុងឆ្នាំ២០១១។ ឥឡូវក្នុងការប្រារព្ធខួប១០ឆ្នាំរបស់វា លោកក៏គូរឡើងវិញនូវរូបតុក្កតា Nyan Cat បែប Gif នេះដើម្បីធ្វើការដាក់លក់ជាពិសេសតាមរយៈ crypto art platform ឈ្មោះថា Foundation។ 

Just opened up the flood gates to the future of meme economy in the Crypto universe, no big deal~

But seriously, thanks for believing in Nyan Cat all these years. I hope this inspires future artists to get into #NFT universe so they can get proper recognition for their work! pic.twitter.com/JX7UU9VSPb

— ☆Chris☆ (@PRguitarman) February 19, 2021

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងការដេញថ្លៃនេះមានអ្នកទិញម្នាក់ឱ្យតម្លៃដល់ទៅ ៣០០ Ether ដែលជារូបិយបណ្ណឌីជីថល ដែលដំណើរការលើ Ethereum blockchain ដើម្បីឈ្នះការដេញថ្លៃដាក់ដោយមូលនិធិទីផ្សារឌីជីថល Foundation នេះ។ ក្នុងន័យនេះ ៣០០ Ether គីមានតម្លៃស្មើនឹង៦០៥,៣៨២ដុល្លារ ដូច្នេះវាមិនថោកទេ។

វីដេអូខាងក្រោមនេះ បង្ហាញពីការដេញថ្លៃបានបញ្ចប់ត្រឹម ៣០០ Ether ព្រោះគ្មានអ្នកណាឱ្យថ្លៃខ្ពស់ជាងនេះទៀត។

Going once, going twice, sold! ?

Thank you to @PRguitarman for bringing us along for the historic ride. ? @NyanCat forever. ?

Rewatch the auction live stream → https://t.co/XJQI2O0Ula pic.twitter.com/ywpgglnGiw

— Foundation (@withFND) February 19, 2021

ដើម្បីគូរឡើងវិញនូវតុក្កតា Nyan Cat ដែលនឹងមានអាយុ១០ឆ្នាំនៅថ្ងៃទី២ ខែមេសា លោក Torres បានធ្វើឱ្យរូប GIF ដើមកាន់តែធំ និងកែកុនគុណវិបត្តិតូចៗដែលគាត់ចង់កែជាច្រើនឆ្នាំមកហើយ។ 

នៅពេលដែលរូបគំនូរឌីជីថលនេះបានលក់ចេញហើយ លោក ​Torres មិនមានគម្រោងលក់លើកក្រោយទៀតនោះទេ។ នោះមានន័យថាមានតែអ្នកទិញម្នាក់ប៉ុណ្ណោះដែលមានសិទ្ធកាន់ license របស់តុក្កតា Nyan Cat បាន៕

• ជំនួញ
• ការងារ