សម្ពាធឈាមខ្ពស់ពេលពពោះដំបូង អាចបង្កើនឱកាសគាំងបេះដូង?

ការមានផ្ទៃពោះលើកដំបូងគឺជាពេលវេលាដ៏រំភើបបំផុតនៅក្នុងជីវិតរបស់ស្រីៗយើងគ្រប់រូប។ អំឡុងពេលពពោះនេះដែរ យើងតែងតែជួបប្រទះនូវផលវិបាក និងបញ្ហាសុខភាពជាច្រើន ហើយការថែទាំខ្លួននៅក្នុងរយៈពេលប៉ុន្មានខែនេះ មិនត្រឹមតែមានសារសំខាន់ចំពោះទារកប៉ុណ្ណោះទេ វាក៏ជះឥទ្ធិពលដល់សុខភាពរបស់ម៉ាក់ៗផងដែរ។

ប្រសិនបើយើងជួបបញ្ហាដូចជាហើមមុខ ដៃ និងជើង អំឡុងពេលពពោះ វាអាចជាសញ្ញានៃជំងឺបម្រុងក្រឡាភ្លើងដែលជាដំណើរនៃការឡើងសម្ពាធឈាមភ្លាមៗ។ ការឡើងសម្ពាធឈាមអំឡុងពេលពពោះលើកដំបូង អាចជាសញ្ញាព្រមានមួយចំពោះការកើនឡើងឱកាសនៃការគាំងបេះដូង និងស្លាប់ដោយសារជំងឺសរសៃឈាមបេះដូងដល់ទៅ៤ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រហែលជា២ទៅ៨% នៃស្ត្រីដែលមានផ្ទៃពោះទូទាំងពិភពលោក ត្រូវបានធ្វើរោគវិនិច្ឆ័យថា មានជំងឺបម្រុងក្រឡាភ្លើង ដែលចាប់ផ្ដើមបន្ទាប់ពីសប្ដាហ៍ពី២០នៃការពពោះ។ ទោះបីជាជំងឺបម្រុងក្រឡាភ្លើងនេះ នៅមិនទាន់ត្រូវបានកំណត់ពីមូលហេតុច្បាស់លាស់ក៏ពិតមែន ប៉ុន្តែវាអាចទាក់ទងទៅនឹងសរសៃឈាមនៃសុក។

ក្រុមអ្នកស្រាវជ្រាវបានធ្វើការវិភាគទៅលើស្ត្រីចំនួន៦៣៦០នាក់ ដែលមានអាយុចាប់ពី១៨ឆ្នាំ ដល់៥៤ឆ្នាំ ដែលពពោះលើកដំបូង និងមានជំងឺបម្រុងក្រឡាភ្លើង ចាប់ពីឆ្នាំ១៩៩៩ ដល់ឆ្នាំ២០១៣ ចំពោះជំងឺសរសៃឈាមបេះដូង ព្រមទាំងធ្វើការប្រៀបធៀបពួកគេទៅនឹងស្ត្រីដែលពុំមានជំងឺបម្រុងក្រឡា ភ្លើង ដោយរកឃើញថា អ្នកដែលមានជំងឺនេះ អំឡុងពេលពពោះជាលើកដំបូងអាចនឹងកើតមានអាការៈគាំងបេះដូង ឬស្លាប់ដោយសារជំងឺសរសៃឈាមបេះដូងច្រើនជាងអ្នកធម្មតាដល់ទៅ៤ដងឯណោះ។

ហេតុដូច្នេះហើយ ស្រីៗយើងគួរធ្វើតេស្តរកមើលជំងឺបម្រុងក្រឡាភ្លើង នៅអំឡុងពេលមានគភ៌ ក៏ដូចជាតាមដានឲ្យបានដិតដល់ ប្រសិនបើកើតមានជំងឺនេះនៅពេលសម្រាលកូនលើកដំបូង ពីព្រោះវាក៏អាចកើតមានចំពោះការសម្រាលកូនលើកក្រោយៗទៀតផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

ផ្ទៃពោះ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

សម្ពាធ​ឈាម​ខ្ពស់​ពេល​ពពោះ​ដំបូង​ អាច​បង្កើន​ឱកាស​​គាំង​បេះដូង​?

In Case You Missed It

សម្ពាធឈាមខ្ពស់ពេលពពោះដំបូង អាចបង្កើនឱកាសគាំងបេះដូង?