កំពុងមានអាស្រូវជាមួយប្តី ល្បី AngelaBaby ទៅដើរលេងកោះស្ងាត់ៗ ជាមួយតារាសម្តែងប្រុស Dang Luan ធ្វើមិនដឹង

ចិន៖ គេហទំព័រស៊ី CZ បានរាយការណ៍នៅថ្ងៃទី ១៩ ខែកុម្ភៈ នៅលើបណ្តាញសង្គមមានព័ត៌មានជាច្រើនអំពីការចែករំលែកលើអ៉ីនធឺណែត ដែលគេបានដឹងថាតារាសម្តែងស្រីជួរមុខ Angela Baby បង្ហាញខ្លួននៅតំបន់ surf ក្នុងកោះ Sanya ។

ជាក់ស្តែង បានធ្វើឲ្យមហាជនមានការងឿងឆ្ញល់ ក៏ដូចជាអ្នកនិយមលេងអ៉ីនធើណែតមានការសង្ស័យ ថាតារាស្រីរូបនេះ ទៅដំណើរកម្សាន្ត ដោយគ្មានស្វាមីនៅក្បែរ ខណៈគេបានប្រទះឃើញ នៅអាកាសយានដ្ឋានសៀងហៃ ជាមួយកូនប្រុសនាងតែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តាមប្រភពដដែលបានបន្តទៀតថា អ្នកម៉ាក់កូនរូបនេះ បានទៅដំណើរកម្សាន្ត ជាលក្ខណៈឯកជន ជាមួយតារាសម្តែងប្រុស Dang Luan បានធ្វើឲ្យពាក្យចចាមអារ៉ាម បានបន្តចែកចាយ ពាលពេញលើបណ្តាញសង្គមចិន និងបន្តការចែករំលែកជាហូរហែរ ចំពេលតារាស្រីរូបនេះ​កំពុងតែមានរឿងអាស្រូវ រកាំរកូសជាមួយស្វាមីរបស់ខ្លួនលោក Huang Xiaoming ។

គួរបញ្ជាក់ផងដែរអ្នកនិយមលេងអ៉ីនធើណែត ក៏បានវិភាគក្នុងរយៈពេលប៉ុន្មានថ្ងៃមុន កាលពីថ្ងៃចូលឆ្នាំថ្មីៗនេះ  តារាសម្តែងប្រុស Dang Luan  ពិតជាបានទៅ Sanya ដើម្បីទៅលំហែពិតប្រាកដមែន មិនត្រឹមតែប៉ុណ្ណោះ រូបលោក បានចែករំលែករូបថតដែលថតជាមួយមិត្តភក្តិផងដែរ ហេតុដូច្នេះ បានធ្វើពាក្យចចាមអារ៉ាមមួយនេះកាន់តែក្តៅគគុក បានធ្វើឲ្យ គេលើកមកនិយាយជាប្រធានបទ ថាតើវាពិតឬយ៉ាងណា?

សូមទស្សនារូបភាពខាងក្រោម៖ 

• តារាចិន