ទីបំផុតអង្គការណាសា បញ្ចេញវីដេអូនៃការចុះចតរបស់យាន Perseverance នៅលើភពព្រះអង្គារហើយ (មានវីដេអូ)

បរទេស៖ អង្គការណាសាបានបញ្ចេញវីដេអូដំបូងនៃយាន Perseverance របស់ខ្លួនធ្វើការចុះចតនៅលើភពអង្គារ រួមទាំងបានបញ្ចេញសំឡេងដែលចាប់បាននៅលើផ្ទៃភពក្រហមនេះផងដែរ។

ទីភ្នាក់ងារអវកាសអាមេរិកណាសាបានចែករំលែកវីដេអូនេះនៅពីថ្ងៃចន្ទ ប៉ុន្មានថ្ងៃបន្ទាប់ពីយាន Perseverance បានចុះពីលើផ្ទៃភពអង្គារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យានស្រាវជ្រាវ Perseverance បានធ្វើដំណើរឆ្លងកាត់ទីអវកាសអស់រយៈពេលជិត៧ខែ ក្នុងចម្ងាយ២៩៣លានម៉ាយល៍ (៤៧២លានគីឡូម៉ែត្រ) មុនពេលទំលុះចូលក្នុងបរិយាកាសភពអង្គារក្នុងល្បឿន១២,០០០ម៉ាយល៍/ម៉ោង (១៩,០០០គីឡូម៉ែត្រក្នុងមួយម៉ោង) ដើម្បីចាប់ផ្តើមធ្វើការចុះចតនៅលើភពអង្គារដោយមានជំនួយពីឆ័ត្រយោង រ៉ុក្កែត booster និង sky crane។

យាន Perseverance​ បានធ្វើការថតរូបភាពខណៈកំពុងធ្វើការចុះចត។ វាបានចុះចតជិតតំបន់ចុះចតនៅក្នុងតំបន់ដីក្រហូង Jezero crater ទំហំ២៨ម៉ាយល៍ (៤៥គីឡូម៉ែត្រ) នៅខាងជើងនៃអេក្វាទ័ររបស់ភពអង្គារ ដែលដីក្រហូងនេះកាលពីរាប់ពាន់លានឆ្នាំមុនត្រូវបានគេជឿថាគឺជាបឹងមួយ។

អ្នកវិទ្យាសាស្ត្រណាសាក៏បានចែករំលែកជាលើកដំបូងនូវសំឡេងនៃភពអង្គារ ដែលជារឿងមួយដែលមិនធ្លាប់ធ្វើពីមុនមកនៅលើភពដទៃ។  

ខាងក្រោមនេះគីជាវីដេអូនៃការចុះចតដែលណាសាបញ្ចេញ៕

Now that you’ve seen Mars, hear it. Grab some headphones and listen to the first sounds captured by one of my microphones. ?https://t.co/JswvAWC2IP#CountdownToMars

— NASA's Perseverance Mars Rover (@NASAPersevere) February 22, 2021

• វិទ្យាសាស្រ្ត
• ជីវិត
• វីដេអូ