កំពង់ស្ពឺ៖ ក្រោយទទួលបានការចង្អុលណែនាំពីលោកឧត្តមសេនីយ៍ទោ សម សាមួន ស្នងការនគរបាលខេត្ត ក្រុមកាងារប្រតិកម្មរហ័សនៃស្នងការដ្ឋាននគរបាលខេត្ដកំពង់ស្ពឺ បានធ្វើការស្រាវជ្រាវគណនីTiktok ឈ្មោះពូហុនដែលបានច្រៀងចម្រៀងរ៉េប remix បទ"ឆ្នាំថ្មី ២០២១ KD ឡេីងថ្លៃ" ធ្វើឱ្យប៉ះពាល់ ដល់កិត្តិយសសេចក្ដីថ្លៃថ្នូរសីលធម៌សង្គមខ្មែរយេីង ជាពិសេសបានធ្វេីឱ្យមហាជនអ្នកនិយមបណ្ដាញសង្គមធ្វើការរិះគន់យ៉ាងខ្លាំង និង បានសំណូមពរស្នេីសុំឱ្យអាជ្ញាធរមានសមត្ថកិច្ចចាត់វិធានការផ្លូវច្បាប់ ចំពោះបុគ្គលជាម្ចាស់គណនី តិកតុកឈ្មោះពូហុន នេះឱ្យខានតែបាន។
នាថ្ងៃទី២៣ ខែកុម្ភៈ ឆ្នាំ ២០២១ ម្សិលមិញនេះដែរ សមត្ថកិច្ចស្នងការដ្ឋាននគរបាលខេត្តកំពង់ស្ពឺ បានចុះស្រាវជ្រាវ និង កោះហៅបុគ្គលរូបនេះ យកមកបំភ្លឺបកស្រាយបន្ថែម។ បុគ្គលរូបនេះ មានឈ្មោះពេញថា ហួន ហុន ភេទប្រុស អាយុ៣៨ ឆ្នាំ ប្រកបមុខរបរជាអ្នករត់តុនៅហាងសាច់អាំង BBQ មួយកន្លែងនៅក្នុងក្រុងចំការមន ក្នុងនោះដែរ ក្រោយពីត្រូវបានសមត្ថកិច្ចធ្វើការសារសួររកប្រភពពិត បុគ្គលឈ្មោះ ហួន ហុន នេះ បានសារភាពដោយទទួលស្គាល់ថា ខ្លួនពិតជាម្ចាស់គណនី Tiktok ឈ្មោះ ពូហុន និងពិតជាបានធ្វើបទចម្រៀងដែលមានអត្ថន័យអសុរោះ មិនសមរម្យ ដែលមានលក្ខណៈប្រមាថមើលងាយ និង ប៉ះពាល់ជាខ្លាំងដល់ស្រ្តីខ្មែរពិតប្រាកដមែន ដោយបានបង្ហោះទៅលើបណ្តាញសង្គម Tiktok ជាសាធារណៈពិតប្រាកដមែន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសារការភ្លើតភ្លើនខ្វះការពិចារណាគិតឱ្យបានគ្រប់ជ្រុងជ្រោយ ដោយមិនបានគិតពីការប៉ះពាល់ដល់តម្លៃស្រ្តីខ្មែរ និងភាពចង់បានល្បីជ្រុលហួស នៅក្នុងបណ្តាញសង្គម Tiktok ទើបធ្វើឱ្យបុគ្គល ហួន ហុន ទទួលនូវរងនូវការរិះគន់យ៉ាងខ្លាំង ព្រោះតែទង្វើរមិនសមរម្យ ដែលប្រាសចាកពីអ្វីដែលសង្គមស្អប់ខ្ពើម។
ក្រោយពីដឹងខ្លួនខុសជ្រុលហួសបង្កើតកំហុសមិនគប្បីបែបនេះ បុគ្គលឈ្មោះ ហួន ហុន រូបនេះ បានធ្វើការសូមអភ័យទោសអធ្យាស្រ័យ ពីសំណាក់បងប្អួនប្រជាពលរដ្ឋកម្ពុជានៅទូទាំងប្រទេសមេត្តាអត់អោនយោគយល់ ជាពិសេសអ្នកនៅលើបណ្តាញសង្គមTiktok តែម្តង និង ផ្តល់ឱកាសឱ្យខ្លួនបានកែខ្លួនជាថ្មី និង សន្យាឈប់ប្រើប្រាស់បណ្តាញសង្គម ចាប់ពីថ្ងៃនេះទៀតហើយ៕
ដើម្បីជ្រាបកាន់តែច្បាស់ សូមទស្សនារូបភាព និង វីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
