ប្រយ័ត្នច្រឡំ! អភិបាលខេត្តកំពង់ស្ពឺ លោក វ៉ី សំណាង បានប្រកាសថា គ្មានអ្នកឆ្លងកូវីដទេ

ខេត្តកំពង់ស្ពឺ ៖ ក្រោយពេល លោកនាយកអនុវិទ្យល័យឆាយឆុប បានចេញរបាយការណ៍សង្ខេប ស្តីពីសិស្សម្នាក់ឈ្មោះ ភឹម សុខគា ភេទស្រី ដែលមានឪពុកឈ្មោះ ស៊ិន ថន និងម្តាយឈ្មោះ ស៊ឹម សុខលី មានទីលំនៅបច្ចុប្បន្ននៅ ក្នុង ភូមិក្រាំងពលទេព​ សង្កាត់រការធំ ក្រុងច្បារមន ខេត្តកំពង់ស្ពឺ ដោយថាក្រុមគ្រួសាររបស់គាត់បានប៉ះពាល់ដោយប្រយោលជាមួយ អ្នកផ្ទុកមេរោគកូវីដ ១៩នៅភ្នំពេញ (មិនចាំថ្ងៃ)។

គួរបញ្ជាក់ថា បន្ទាប់ពីបានចែកចាយរបាយការណ៍សង្ខេបនេះរួចមក ប្រជាជនខេត្តកំពង់ស្ពឺមានការព្រួយបារម្ភ ព្រោះរំពឹងគិតថា មានអ្នកឆ្លងកូវីដនៅខេត្តកំពង់ស្ពឺហើយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបន្ថែមថា ក្រោយពេលមានការច្រឡំបែបនេះ អភិបាលខេត្តកំពង់ស្ពឺលោក វ៉ី សំណាងបានធ្វើការ ជូនដំណឹង​ទាំងយប់ពីករណីមួយនេះ។ ដោយបញ្ជាក់យ៉ាងច្បាស់ថា ដោយសារឪពុកម្តាយរបស់សិស្សម្នាក់ នៃអនុវិទ្យាល័យឆាយឆុប បានប៉ះពាល់ដោយប្រយោល នៅក្នុងព្រឹត្តិការណ៍ ២០កុម្ភៈ គឺមិនមែនប៉ះពាល់ដោយផ្ទាល់ឡើយ ហេតុនេះ ពួកគាត់ស្ថិតនៅក្នុងចំណោមអ្នកប្រឈមនឹងឆ្លងវីរុសនេះ ទាបបំផុត ព្រមជាមួយគ្នានេះពួកគាត់បានសម្រាកធ្វើចត្តាឡីស័ក នៅមន្ទីរពេទ្យបង្អែកខេត្តកំពង់ស្ពឺ ៕

បើចង់ដឹងឲ្យកាន់តែច្បាស់នោះ តោះទៅមើលរូបភាពខាងក្រោម ៖

• ជីវិត
• រូបភាព