អនាគតបានមកដល់! ក្រុមហ៊ុន Oppo បង្ហាញបច្ចេកវិទ្យាសាកថ្មឥតខ្សែ ដែលសាកពីចម្ងាយឆ្ងាយបាន (មានវីដេអូ)

បរទេស៖ ព័ត៌មានដ៏គួរឱ្យចាប់អារម្មណ៍បំផុតពីព្រឹត្តិការណ៍ Mobile World Congress Shanghai គឺថាក្រុមហ៊ុន Oppo កំពុងធ្វើការអភិវ​ឌ្ឍ​ឆ្នាំងសាកថ្មឥតខ្សែស្រដៀងនឹងអ្វីដែលក្រុមហ៊ុន Xiaomi បានបង្ហាញរួចមកហើយ។ វានឹងក្លាយជាលក្ខណៈពិសេសរបស់ទូរស័ព្ទ Oppo X 2021 ដែលនឹងចាប់ផ្តើមបញ្ចូលថ្មនៅពេលវាស្ថិតនៅចម្ងាយ10cm។ អ្នកប្រើនៅតែអាចបន្តប្រើទូរស័ព្ទបានខណៈពេលដែលកំពុងសាក ដរាបណាមិននៅឆ្ងាយពីឆ្នាំងសាកខ្លាំងពេក។ ខណៈដែល Mi Air Charge របស់ក្រុមហ៊ុន Xiaomi គាំទ្រតែការសាកថ្ម 5W ក្រុមហ៊ុន Oppo និយាយថាឆ្នាំងសាករបស់ខ្លួនអាចគាំទ្ររដល់ទៅ 7.5W។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Oppo នឹងផ្តល់អាជ្ញាប័ណ្ណសាក VOOC ដើម្បីឱ្យវាអាចត្រូវបានដំឡើងចូលក្នុងផលិតផលរបស់ក្រុមហ៊ុនដទៃផ្សេងទៀត។ ដៃគូដំបូងដែលក្រុមហ៊ុន Oppo បានសហការនោះគឺ Anker, Volkswagen និង NXP Semiconductors ដូច្នេះយើងនឹងបានឃើញបច្ចេកវិទ្យាសាកថ្មលឿនបែបនេះនៅក្នុងរថយន្ត ឧបករណ៍ចល័ត និងកន្លែងសាធារណៈផ្សេងៗទៀតនៅប៉ុន្មានឆ្នាំខាងមុខនេះ៕

• វិទ្យាសាស្រ្ត
• ជំនួញ
• អនាគត
• វីដេអូ
• ទូរសព្ទ