កាន់តែគួរឲ្យសង្ស័យ ក្រោយ Angela Baby និងប្តី នៅផ្ទះផ្សេងគ្នា

ចិន៖ កាលពីចុងសប្តាហ៍មុន តារាសម្តែងប្រុស Huang Xiaoming ត្រូវបានគេប្រទះឃើញ ចេញទៅក្រៅដើម្បីញ៉ាំអាហារពេលល្ងាចជាមួយមិត្តភក្តិនៅទីក្រុងប៉េកាំង ត្រូវបានគេដឹងថា អាស័យដ្ឋានផ្ទះរបស់លោក នៅតំបន់ពីរផ្សេង រវាងផ្ទះវីឡាប្រណីត ដែលរស់នៅជាមួយតារាស្រី AngelaBaby ភរិយារបស់ខ្លួន។

តួយ៉ាង ត្រូវបានគេឲ្យដឹងថា តាមពិតអាផាតមិននេះ តារាប្រុសរូបនេះ រស់នៅតែម្នាក់ឯង អស់រយៈពេលជាច្រើនខែមកហើយ នេះបើយោងតាមកាសែត Sina រូបលោក បានទិញ បានទិញអាផាតមិននេះក្នុងតម្លៃ ១,៨ លានយ័ន (ប្រហែល ជាង ២ សែនដុល្លារ) ក្នុងតំបន់ Chaoyang ក្នុងទីក្រុងប៉េកាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ ទៅតាមប្រភពមួយទៀតបាន ចេញផ្សាយជាថ្មីម្តងទៀតតារាស្រី Angelababy មានអាស័យដ្ឋានអចិន្រ្តៃយ៍ដែលនៅវីឡាប្រណីតម្តុំដុងសាន ផ្លូវក្រវ៉ាត់ក្រុងទី ៤ ក្នុងតំបន់ Chaoyang ក្រុងប៉េកាំង។ ហេតុដូច្នេះ ត្រូវបានអ្នកលេងបណ្តាញសង្គម ក៏ដូចជាអ្នកសារព័ត៌មាន បានសន្មត់អ្នកទាំងពីរទំនងរស់នៅបែកគ្នា អស់មួយរយៈទៅហើយ។

ជាមួយគ្នានេះដែរ រឿងអាស្រូវចម្រូងចម្រាសអំពី ទំនាក់ទំនងអាពាហ៍ពិពាហ៍របស់តារាជួរមុខប្រទេសចិនមួយគូនេះ បានបង្ហាញសញ្ញាមិនធម្មតាជាច្រើន និងជាហូរហែរ តែងតែក្លាយជាប្រធានបទ លើកមកវែកញែករវាង ជីវិតគូស្វាមី ភរិយារបស់ពួកគេ តើអាចទេ ថាអ្នកទាំងពីរពិតជាដើរដល់ផ្លូវបំបែក ពិតឬយ៉ាងណា? មានតែរង់ចាំមើល និងតាមដានជាមួយ ខ្មែរឡូត ទាំងអស់គ្នា!

សូមទស្សនារូបភាពខាងក្រោម៖

• តារាចិន