អាងតែខ្លួនឯងស្អាត Taew ថតម៉ូដែលចាយរាងមួយទំហឹង

ថៃ៖​ នៅគណនីអ៊ីនស្តារក្រាមផ្ទាល់ខ្លួន របស់តារាសម្តែងស្រី តារាសម្តែងស្រី Taew Nathaporn បានចែកចាយរូបភាពជាច្រើនសន្លឹក ដែលបានថតមូ៉ដែលឲ្យប្រ៊េនសម្លៀកបំពាក់ម៉ាកល្បីមួយ កំពុងទទួលបានការចាប់អារម្មណ៍ជាខ្លាំង ទៅនឹងសម្រស់ ក៏ដូចជារូបរាងស្តង់ដារបស់អ្នកនាង។  

ជាក់ស្តែង តួស្រីក្នុងរឿង «ព្រះម៉ែនាគ» រូបនេះ បានស្លៀកឈុតពណ៌ឆើតៗ ចែងចាំងតែម្តង ដែលគេអាចមើលឃើញថា វាជាម៉ូតនឹងចេញសម្រាប់នារដូវក្តៅខាងមុខនេះ។ ជាមួយគ្នានេះ​ដែរ ការតុបតែងខ្លួនបែបកាលីបទាន់សម័យ ជាពិសេសនោះ ស្ទីលថតរូប កាយវិការអត្តចរិតឆ្មើមឆ្មៃ ជាមួយរាងតូចច្រឡឹង យ៉ាងស៊ីចស៊ី បានធ្វើឲ្យតារាស្រីរូបនេះ កាន់តែទាក់ទាញថែមមួយកម្រិតទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ រូបភាពរបស់ តារាស្រីរូបនេះ ត្រូវបានអ្នកលេងបណ្តាញសង្គម ក៏ដូចជាហ្វេនៗ បានលាន់មាត់ និងសរសើរនៃរូបសម្រស់របស់តារាស្រីរូបនេះ ជាមួយស្ទាយ៍បែបប្លែកៗ តុបតែងខ្លួនកាន់តែស៊ិចស៊ីជាពិសេសនោះសម្រស់របស់នាងនៅតែស្អាត ជាទីក្រសែរភ្នែករបស់មហាជនដដែល ទោះបីរូបនាងមានវ័យ ៣០ ជាងហើយក្តី៕

សូមទស្សនារូបភាពខាងក្រោម៖

• តារាថៃ