Lady Gaga ជះលុយកន្លះលានដុល្លារ ដល់អ្នករកឃើញសុនខបាត់

បរទេស៖ នៅថ្ងៃទី ២៦ ខែកុម្ភៈសារព័ត៌មានបរទេស បានរាយការណ៍មកថាតារាចម្រៀងស្រី Lady Gaga សុខចិត្តចំណាយប្រាក់ ៥០០,០០០ ដុល្លារដល់អ្នកណាដែលអាចរកសុនខចិញ្ចឹម ២ ក្បាលរបស់នាង ដោយតារាចម្រៀងស្រីរូបនេះ នឹងមិនសួរហេតុផលអ្វីឡើយ ឲ្យតែអាចរកពួកវាឃើញ។

យោងតាមប៉ូលីសទីក្រុងឡូសអេនជឺឡេស បានអោយដឹងថាសុនខរបស់ Lady Gaga នៃពូជ French Bull ត្រូវបានបុរសម្នាក់លួចយក មានឈ្មោះ Koji និង Gustav ខណះដែលពួកវាកំពុងតែបណ្តើរតាមលេងក្នុងសួនក្នុងតំបន់ Sierra Bonita ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ហេតុការណ៍នេះបានកើតឡើង នៅពេលអ្នកដែលមើលថែសុនខរបស់តារាចម្រៀងរូបនេះ បានបណ្តើរពួកវានៅតាមផ្លូវដូចសព្វរាល់ដង ក៏ភ្លាមៗនោះ ត្រូវបានវាយប្រហារដោយ មានជនមិនស្គាល់មុខវាយប្រហារ នឹងកាំភ្លើង និងបានចាប់សុនខទាំងពីរនេះបាត់ទៅ។

យ៉ាងណាមិញ ការវាយប្រហារនេះ​បានធ្វើឲ្យ អ្នកមើលថែសុនខនោះ បណ្តាលឱ្យរងរបួសផងដែរ តែទោះជាយ៉ាងណា តាមប្រភពជិតស្និទ្ធនឹងតារាចម្រៀងស្រីវ័យ ៣៣ ឆ្នាំរូបនេះ បាននិយាយថាបុគ្គលិករបស់នាង បានជាសះស្បើយទៅហើយ៕

សូមទស្សនារូបភាពខាងក្រោម៖

• តារាអន្តរជាតិ