ពិធីការិនីម្នាក់នេះ ត្រូវបានគេរិះគន់ថាស្អាតតែរូប ក្រោយជួលផ្ទះគេហើយ បន្សល់សំរាមមិនព្រមសំអាត

ចិន៖ កាលពីថ្មីៗនេះ តារាស្រី Ly Tuong ជាពិធីការិនីល្បីឈ្មោះរងការរិះគន់ ពីសំណាក់មហាជន បន្ទាប់ពីម្ចាស់ផ្ទះដែលនាងបានជួលផ្ទះ បង្ហោះវីដេអូ ថានាងជាមនុស្សគគ្រិច មិនសម្អាតផ្ទះរបស់គេ ដែលរឿងរ៉ាវមួយនេះ កំពុងក្លាយជាប្រធានបទយ៉ាងក្តៅគគុកក្នុងប្រទេសចិន។

ជាមួយគ្នានេះដែរ ម្ចាស់ផ្ទះបានស្តីបន្ទោសសង្កត់ធ្ងន់ លើតារាស្រីរូបនេះ សម្រាប់ការរស់នៅគ្មានអនាម័យមិនទទួលខុសត្រូវចំពោះកន្លែងដែលនាងបានជួល បានធ្វើឲ្យម្ចាស់់ផ្ទះមានការ ហួសចិត្ត ក៏ដូចជាការខឹងសម្បារជាខ្លាំង ជាមួយអត្តចរិករបស់នាងបែបនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែល​ បានបន្ថែមទៀតថា ពិធីករស្រីរូបនេះ បានជួលផ្ទះមួយនេះ ដើម្បីគោលបំណងលក់ផលិតផលតាមអនឡាយតែប៉ុណ្ណោះ ក៏ប៉ុន្តែបន្ទាប់ពីរូបនាងបានចាកចេញ និងឈប់ជួល បែរជាមិនបានសម្អាតឲ្យស្អាត ហើយថែមទាំងទុកសំរាមជាច្រើននៅក្នុងផ្ទះនេះទៀតផង។

បន្ទាប់ពីបានឃើញរូបភាព និងវីដេអូដែលចែកបានរំលែកដោយម្ចាស់ផ្ទះនោះ អ្នកលេងអ៉ីនធើណែតជាច្រើនបានរិះគន់ពិធីការិនីរូបនេះ ថាជាតារាមួយមានគម្រូអាក្រក់ដល់សង្គម ក្រោយមករូបនាងក៏បានឆ្លើយតបយ៉ាងលឿនដើម្បីពន្យល់ផងដែរថា នាងបានបង់លុយបន្ថែមឲ្យទៅម្ចាស់ផ្ទះជាថ្លៃសម្អាត មុនពេលនាងចាកចេញពីផ្ទះជួលមួយនោះ៕

សូមទស្សនារូបភាពខាងក្រោម៖ 

• តារាចិន