ដាក់ចំៗគ្មានញញើត! លោក គួច ខេវិន និយាយចំណុចខ្សោយ ស្រីអូនថា ចូលចិត្ត…..

រាជធានីភ្នំពេញ ៖ ដូចដឹងស្រាប់ហើយថា មហាជនចាប់ផ្តើមចាប់អារម្មណ៍រឿងរបស់ ម្តាយធម៌ស្រីអូន កាន់តែខ្លាំងក្រោយពេល មានការបកស្រាយពីជីវិតនិងជីវភាព របស់តារាជើងចាស់ ញឹម សុខា ក្រោយពេលបានក្លាយជាម្តាយធម៌របស់ស្រីអូន។ ទន្ទឹមនឹងនោះ ក៏មានមហាជនមិនតិចទេ ដែលបានសម្តែងការប្រតិកម្មរបស់ខ្លួន បន្ទាប់ពីបានស្តាប់ការបកស្រាយនោះ។

ទន្ទឹមនឹងនេះ លោក គួច ខេវិន ជាតារាជើងចាស់ក្នុងវិថីសិល្បៈនេះ ដែលត្រូវបានគេស្គាល់ថាជា អ្នកផលិតកម្មវិធីទូរទស្សន៍ដែលល្បីម្នាក់ ហើយក៏ត្រូវបានទទួលស្គាល់ថា លោកបានស្គាល់ច្បាស់នូវអត្តចរិតរបស់តារាសម្តែងថ្មី ចាស់ មិនតិចទេនោះ ក៏បានសម្តែងការប្រតិកម្មរបស់ខ្លួនក្នុងបណ្តាញសង្គមផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ អ្វីដែលកាន់តែពិសេសនោះគឺ លោកបានបង្ហាញអត្តចារឹកពិតរបស់ ស្រីអូន និងបញ្ចេញមតិលើតារាជើងចាស់ ញឹម សុខា យ៉ាងចាស់ដៃថា ៖

បំពង់ទឹកត្នោត បើកាលណាវាធ្លុះធ្លាយគូថហើយ កុំថាឡើយត្រឹមយកទៅត្រង់ទឹកត្នោត ទោះជាគេខំរែកមកចាក់បំពេញយ៉ាងណាក៏វាមិនចេះពេញដែរ ។យ៉ាងណា មិញជាតិជាជំពូកមនុស្សមួយចំនួនតូច បើកាលណាធ្លុះធ្លាយចិត្ត គំនិតប្រាជ្ញា ស្មារតីហើយ ទោះជាមានគេជួយយ៉ាងណា ក៏វាមិនគ្រប់គ្រាន់ ធន់ល្មម ឬស្កប់ស្កល់ទៅនឹងចិត្តស្រេកឃ្លាន របស់ខ្លួនឡើយ ។ ជំពូកមនុស្សខ្លះទៀត "ដេកសមដួល រមួលសមគ្រិច ឬកន្ទេលធំបន្លំដេក" ជនប្រភេទនោះ បានគេជួយលើកក៏ត្អូញថាក្រោកមិនរួច គេជួយចាប់ជួយច្រាច់ ក៏ថាខ្លួនគ្រិចឆ្អឹង បានគេគគ្រឹកគគ្រេងមកជួយក៏ផ្តួលខ្លួនដេកពេញទំហឹងតែម្តង ។ ជំពូកជនបែបនេះបើបានគេឲ្យត្រីស៊ី ក៏រមែងចាំមើលតែអ្នកឲ្យត្រីស៊ីមកទៀត ចង់បានត្រីធំជាងមុន ហើយថែមទាំងទំរន់ខ្លួនឲ្យគេកាន់តែអាណិត ដោយមិនខ្ចីគិត ទៅរកបឹងរកសន្ទូច ស្ទូចត្រី តូចក្តីធំក្តីដើម្បីស៊ីខ្លួនឯងនោះឡើយ ។ បើយ៉ាងៗនេះទោះជាទេព្តា ក៏យិតយោងជនប្រភេទនេះឲ្យងើបផុតពីរណ្តៅពុំរួចផង ។ មនុស្ស "ប្រថុជ្ជន" បែបនេះ បើកាលណាគេឲ្យ គេជួយក៏តាំងសរសើរ បើគេឈប់ឲ្យឈប់ជួយក៏មុសារ ថាគេអាក្រក់ជួរជាតិ ។ បើបានឆ្លងកាត់ បានជួប បានជួយ នូវជំពូកមនុស្សខាងលើ អ្នកធ្វើបុណ្យ ឲ្យទានដែលខកបំណងទាំងឡាយ គួរគប្បីយកនូវបទពិសោធន៍នេះ ទៅពិចារណាឲ្យគ្រប់ ជ្រុងជ្រោយសិន មុននឹងជួយនរណាម្នាក់??? ។ ខ្ញុំសូមជូនសុភាសិតខ្មែរមួយឃ្លា សម្រាប់ជាគតិ = កុំជួយពស់ កុំសង្គ្រោះខ្លា កុំយកអសារក្រពើ" ។ប្អូនស្រីអូន! ប្អូនស្រីបានធ្វេីបុណ្យច្រេីនណាស់ក្នុងសង្គម តែចំណុចខ្សោយរបស់ប្អូនគឺចូលចិត្តធ្វេីបុណ្យជាមួយអ្នកក្រខ្សត់ ដូចជាមានម្តាយធម៌នេះអ៊ីចឹង... មិនដូចបងនេះទេ គឺរេីសយកតែម៉ែធម៌ណា ដែលទេីបតែលក់ដីបានក្តៅៗទេីបជាការប្រសេីជាង...ហីហីៗនិយាយលេងទេបាទ៕

លោក គួច ខេវិន

គួច ខេវិន

ការងារ

ជីវិត

រូបភាព

តារាខ្មែរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

គួច ខេវិន