ពេលមានផ្ទៃពោះ ស្ត្រីមានបម្រែបម្រួលអ័រម៉ូន តម្រូវឲ្យលំពែងធ្វើការ ៤ដង លើសពេលធម្មតា ក្នុងនោះ ១០% នៃស្ត្រីមានផ្ទៃពោះ លំពែងមិនអាចធានារ៉ាប់រងបាននូវការកើនឡើងនៃតម្រូវការការផលិតអាំងស៊ុយលីនទេ ធ្វើឲ្យជាតិស្កររបស់ស្ត្រីពពោះកើនឡើង ទៅជាកើតជំងឺទឹកនោមផ្អែម។ នេះបើតាមការលើកឡើងរបស់លោកវេជ្ជបណ្ឌិត ស៊ុំ សត្ថា ឯកទេសជំងឺទឹកនោមផ្អែម ក្រពេញ និងអ័រម៉ូន-ភាតរៈសមាជិក American College of Endocrinology។
លោកវេជ្ជបណ្ឌិតបន្តថា តួលេខស្រ្តីកើតជំងឺទឹកនោមផ្អែមពេលពពោះនៅអាស៊ីប្រហាក់ប្រហែលគ្នា មានប្រមាណជា ១០% នៃស្ត្រីពពោះទាំងអស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយើងអាចដឹងថា ស្រ្តីមានជំងឺទឹកនោមផ្អែមពេលពពោះដោយរបៀបណា?
លោកវេជ្ជបណ្ឌិតឆ្លើយថា នៅដំណាក់កាលដំបូង មិនមានរោគសញ្ញាអ្វីទាំងអស់ ទល់តែបងប្អូនស្រ្តីទៅធ្វើតេស្ត ហើយការធ្វើតេស្តនោះទៀតសោតមានលក្ខណៈពិសេសបន្តិច គឺតម្រូវឲ្យស្រ្តីពពោះញ៉ាំទឹកស្ករចំនួន ៣៥ក្រាម ដែលជាស្ករពិសេសរៀបចំនៅមន្ទីរពិសោធន៍។
“ព្រលឹមឡើងបងប្អូនស្ត្រីដែលមានផ្ទៃពោះកុំទាន់ញ៉ាំអី ហើយទៅមន្ទីរពិសោធន៍ ពេលនោះអ្នកធ្វើការនៅមន្ទីរពិសោធន៍នឹងបូមឈាមស្ត្រីពពោះ បន្ទាប់ពីបូមឈាមរួច តម្រូវឲ្យស្ត្រីញ៉ាំជាតិស្ករចំនួន ៧៥ ក្រាម រួចហើយ ១ម៉ោងក្រោយបូមឈាមម្តងទៀត ២ម៉ោងក្រោយបូមឈាមម្តងទៀត។ ដូច្នេះត្រូវបូមឈាមចំនួន ៣ដង”។ លោកវេជ្ជបណ្ឌិតរៀបរាប់។
បើលទ្ធផល មុនញ៉ាំស្ករ ៧៥ក្រាម ចន្លោះពី ៩២-១២៥ mg/dL នោះបញ្ជាក់ថា ស្ត្រីមានជំងឺទឹកនោមផ្អែមប្រភេទ៣ ឬជំងឺទឹកនោមផ្អែមពេលមានផ្ទៃពោះ។ ដូចគ្នានេះដែរ បើលទ្ធផលក្រោយពេលញ៉ាំស្ករ ៧៥ក្រាម ១ម៉ោង លើសពី ១៨០mg/dL ឬក៏លទ្ធផល ២ម៉ោងក្រោយញ៉ាំជាតិស្ករ ៥៧ក្រាម លើសពី ១៥៣-១៩៩ mg/dL ក៏បញ្ជាក់ថា ស្រ្តីមានជំងឺទឹកនោមផ្អែមពេលពពោះដែរ។
បើតាមការបញ្ជាក់របស់លោកវេជ្ជបណ្ឌិត ស៊ុំ សត្ថា កម្រិតជាតិស្ករស្ត្រីពពោះតឹងរឹងខ្លាំងណាស់ កាលណាឡើងតែបន្តិចត្រូវបានរាប់បញ្ចូលថា មានជំងឺទឹកនោមផ្អែមអំឡុងពេលមានផ្ទៃពោះហើយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
