ភ្នំពេញ៖ វីដេអូចម្រៀងបទ «ឆ្ពោះទៅមុខរួមគ្នា» នេះ គឺជាស្នាដៃរួមគ្នាដំបូងគេបង្អស់របស់អ្នកដឹកនាំផលិតភាពយន្ត និងវីដេអូកំសាន្តខ្មែរល្បីៗចំនួន ៣ នាក់រួមមាន លោក សុខ វិសាល ម្ចាស់ផលិតកម្ម KlapYahandz ដែលបានចូលរួមធ្វើឲ្យវិស័យចម្រៀង និងភាពយន្តខ្មែររស់ឡើងវិញ លោក ជុំ សុធា ជាអ្នកដឹកនាំផលិតវីដេអូសម្រាប់អាជីកម្មល្បីៗជាច្រើននៅកម្ពុជា និងកញ្ញា រិទ្ធី លំអរពេជ្រ ដែលជាអ្នកដឹកនាំភាពយន្ត និងក៏ជាស្ថាបនិកវ័យក្មេងរបស់កម្មវិធី «បុណ្យភូមិ»។
![](https://s9.kh1.co/05/056fde3483e98d5400ff25c9b5beff5549424ac9.jpg)
បទចម្រៀង «ឆ្ពោះទៅមុខរួមគ្នា» ចេញជាផ្លូវការកាលពីថ្ងៃទី២៥ ខែកុម្ភៈ ហើយពលរដ្ឋកម្ពុជាអាចស្វែងរកបាននៅលើទំព័រហ្វេសប៊ុក Pleng by Smart និង Pleng app ហើយវីដេអូបទចម្រៀងនឹងចេញនាពេលឆាប់ៗនេះ។ វីដេអូចម្រៀងបទនេះ ត្រូវបានគេរំពឹងថានឹងចូលរូមបំផុសស្មារតីពលរដ្ឋកម្ពុជា គ្រប់ស្រទាបវណ្ណៈជួយគ្នាទៅវិញទៅមកជាពិសេសក្នុងវិបត្តិកូវីដ ១៩ នឹងធ្វើឲ្យពលរដ្ឋខ្មែរមានមោទនភាពចំពោះប្រទេសជាតិខ្លួន។
លោក សុខ វិសាល បានឲ្យដឹងថាការផលិតវីដេអូចម្រៀងបទ «ឆ្ពោះទៅមុខរួមគ្នា» នេះចំណាយអស់រយៈពេល ៤ ថ្ងៃ ដោយសិល្បករ និងសិល្បករនីល្បីៗរបស់ Pleng ចូលរួមសម្ដែង និងផលិតរួមមាន ស៊ូលី ផេង, ក្រុមតូច SWSB, ចិត្ត កញ្ចនា, សាង សុខសេរី វុទ្ធា, ប្រុសឡា, DJ Chee Ruthko Reezy និង 4T5 ផងដែរ។
![](https://s9.kh1.co/26/26d8dc6a3e19469cf00e2e6129ac005e6d09db7c.jpg)
កញ្ញា ចិត្ត កញ្ចនា សិល្បការិនីល្បីឈ្មោះមួយរូបរបស់ Pleng បាននិយាយថា៖
ជាផ្នែកមួយនៃយុទ្ធនាការ «ឆ្ពោះទៅមុខរួមគ្នា» របស់ក្រុមហ៊ុន Smart Axiata ក៏បានរៀបចំការប្រគុំតន្រ្ដីតាមសប្បុរសធ៌មស្នាមញញឹមតាមអនឡាញ ដើម្បីរៃអង្គាសថវិកាជួយដល់មន្ទីរពេទ្យកុមារគន្ធបុប្ផា និងមន្ទីរពេទ្យកុមារអង្គរ ក្នុងទិវានៃក្ដីស្រលាញ់១៤កុម្ភៈ កន្លងទៅ៕
![](https://s9.kh1.co/c8/c8bc3d4ee6378a942989aa5200a6081f5045ad27.jpg)
![](https://s9.kh1.co/a6/a6448365cd8827582eee30d4d0d14a0c6b461ff9.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]