ធ្លាប់ជាព្រាន ប៉ុន្តែពេលនេះ Justin ដើរតួជាប្តីល្អណាស់ សូម្បីដើរក៏ឱបចង្កេះប្រពន្ធឡើងជាប់

បរទេស៖ កាលពីល្ងាចថ្ងៃទី ២៦ ខែកុម្ភៈ តារាប៉ុបសញ្ជាតិកាណាដាលោក Justin Bieber ត្រូវបានប្រទះឃើញបណ្តើរភរិយារបស់ខ្លួន តារាម៉ូដែលស្រី Hailey Bieber ចាកចេញពីភោជនីយដ្ឋានមួយនៅក្នុងទីក្រុង Los Angeles កំពុងទទួលបានការចាប់អារម្មណ៍ជាខ្លាំង។

ជាមួយគ្នានេះរូបភាព Justin ជាមួយនឹងភរិយា ដើរតាមផ្លូវសាធារណៈ ដែលគេប្រមាញ់បាននេះ ត្រូវបានគេសង្កេតឃើញថា តារាប្រុសវ័យ ២៧ ឆ្នាំរូបនេះ បានកាន់ ក៏ដូចជាស្រកងត្រគាកដើរឱបប្រពន្ធឡើងជាប់ស្អិតរមួតបេះមិនចេញ មើលទៅពិតជាផ្អែមល្ហែមជាខ្លាំង បន្ទាប់ពីទទួលទានអាហារពេលល្ងាចរ៉ូមែនទិករួចហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ  គូស្វាមីភរិយាតារាវ័យក្មេង ដ៏មានឥទ្ធិពលក្នុងហូលីវូដរូបនេះ ទោះបីពួកគេមិនទាន់មានចំណងដៃកូនយ៉ាងណាក្តី ក៏ប៉ុន្តែអ្នកទាំងពីរ តែងតែចំណាយពេលជាមួយគ្នា បានផ្ដល់ក្ដីស្រលាញ់ឲ្យគ្នាទៅវិញទៅមកយ៉ាងពេញទំហឹង  ដូចជាគូស្នេហ៍កម្លោះ ក្រមុំទូទៅ មើលទៅពិតជាគួរឲ្យច្រណែនខ្លាំងមែនទែន បន្ទាប់ពីរៀបការបាន ២ ឆ្នាំហើយក្តី៕

សូមទស្សនារូបភាពខាងក្រោម៖

• តារាអន្តរជាតិ