ក្រោយស្លាប់ទៅ កំពូលតារាកំប្លែងស្ងួតដៃគូជាមួយទិនហ្វីរូបនេះ សល់លុយរាប់លានដុល្លារ

ហុងកុង: តារាសម្តែងហុងកុង បុិនប្រសប់ខាងកំប្លែងស្ងួត សម្តីចាក់ទឹកមិនលិច និងជាដៃគូរសម្តែងសឹងតែគ្រប់រឿងជាមួយនិងទិនហ្វី គឺលោក ពូ​តាត( Ng Man-tat) ដែលកើតនៅថ្ងៃទី២ មករា ឆ្នាំ១៩៥២ និងបានទទួលមរណភាពកាលពីពេលថ្មីៗនេះ ពោលគឺកាលពីថ្ងៃសៅរ៍ ទី២៧ ខែកុម្ភ: កន្លងទៅនេះ បានបង្កឲ្យមហាជន ពិសេសអ្នកដែលស្រលាញ់គាំទ្រលោក សឹងទប់ទឹកភ្នែក និងយំដួលដើមករ មិនស្ទើរក្រោយបានឭដំណឹងមរណភាពដ៏ភ្ញាក់ផ្អើលរបស់លោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តារាសម្តែងដ៏បុិនប្រសប់ និងប្រកបដោយសមត្ថភាពពេញខ្លួនរូបនេះ យោងតាមគេហទំព័រព័ត៌មានផ្លូវការមួយដ៏ល្បីល្បាញ ឈ្មោះថា CELEBRITY NEW WORTH បានបង្ហាញអំពីតួលេខនៃចំនួនទឹកប្រាក់សរុបរបស់លោក នៅក្នុងអាជីពជាអ្នកសិល្ប:របស់លោក ដែលទ្រព្យសរុបរបស់លោក មានរហូតទៅដល់ ៦០លានដុល្លារ ដែលតួលេខនេះរាប់បញ្ចូលទាំងអចលនទ្រព្យ និងទ្រព្យសកម្មរបស់លោកដទៃផ្សេងទៀត។

គួររំលឹកផងដែរថា លោកពូតាត (Ng Man-tat) បានចាប់ផ្តើមប្រឡូកនៅក្នុងវិស័យសិល្ប:ជាលើកដំបូងនៅក្នុងកំឡុងឆ្នាំ១៩៧៥ ហើយលោកក៏ធ្លាប់បានឈ្នះពានរង្វាន់ជាច្រើនផងដែរ បូករួមទាំងពានរង្វាន់ Hong Kong Film Award ដែលលោកបានជាប់ឈ្មោះថា ជាតួអង្គរងដែលល្អបំផុតប្រចាំឆ្នាំ១៩៩១៕

• ជីវិត
• ជំរុញទឹកចិត្ត
• រូបភាព
• តារាចិន