ក្រុមហ៊ុន vivo បង្ហាញនូវសេវាកម្មវីដេអូកម្រិត 8K UHD Video ដែលប្រើប្រាស់នូវ 5G mmWave នៅក្នុងព្រឹត្តិការណ៍ពិព័រណ៍ MWC Shanghai 2021

ភ្នំពេញ៖ ថ្មីៗនេះ vivo ដែលជាក្រុមហ៊ុនផលិតស្មាតហ្វូន ដែលធំជាងគេបំផុតរបស់ពិភពលោក បានធ្វើការផ្សាយបន្តផ្ទាល់នូវវីដេអូស្រ្ទីមីងកម្រិតខ្ពស់ ដល់ទៅ 8K ultra-high-definition (UHD) ដែលដំណើរការដោយបច្ចេកវិទ្យា 5G នៅក្នុងព្រឹត្តិការណ៍ពិពរណ៍ Mobile World Congress (MWC) Shanghai 2021 ។ នេះគឺជាការបង្ហាញអំពីភាពខ្លាំងរបស់ក្រុមហ៊ុន ​vivo នៅក្នុងការស្រាវជ្រាវ​ និងអភិវឌ្ឍទៅលើប្រព័ន្ធបច្ចេកវិទ្យា​ 5G millimeter wave (mmWave)។

នៅក្នុងព្រឹត្តិការណ៍សមាជនេះ ក្រុមហ៊ុន ​vivo បានប្រើប្រាស់នូវស្ថានីយមូលដ្ឋាន 5G mmWave នៅក្នុងការបញ្ចូននូវវីដេអូកម្រិត 8K UHD ចេញពីម៉ាស៊ីនមេ Server របស់ខ្លួនទៅកាន់ស្មាតហ្វូនរបស់ vivo ដែលអាចបញ្ចាំងនូវវីដេអូកម្រិត UHD ទៅកាន់ទូរទស្សន៍កម្រិត 8K ថែមទៀត។ ស្មាតហ្វូន vivo នេះ គឺប្រើប្រាស់នូវ 5G Sub-6GHz និងហ្រ្វកង់ mmWave frequency bands (n257/258/260/261) និងការប្រើប្រាស់នូវ NSA dual connectivity (EN-DC)។ នៅក្នុងការបង្ហាញនេះ ក៏ផ្តោតទៅលើភាពខ្លាំងរបស់ក្រុមហ៊ុន vivo នៅក្នុងការស្រាវជ្រាវ​និងអភិវឌ្ឍទៅលើប្រព័ន្ធ 5G mmWave និងសក្តានុពលនៃការធ្វើពាណិជ្ជកម្មទៅលើប្រព័ន្ធ 5G mmWave ថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព្រឹត្តិការណ៍ MWC Shanghai 2021 នេះគឺមាន 5G mmWave Zone ដែលមានការចូលរួមរៀបចំដោយក្រុមហ៊ុន GSMA និងដៃគូចំនួន ៣៩ ទៀតដែលក្នុងនោះគឺមានក្រុមហ៊ុន vivo, China Unicom និង​ Qualcomm​ ដើម្បីធ្វើការដាក់តាំងបង្ហាញ និងធ្វើតេស្តទៅលើតម្រូវការជាច្រើននៃប្រព័ន្ធ 5G mmWave ជាពិសេស នៅក្នុងព្រឹត្តិការណ៍កីឡារដូវរងារនេះ។ នៅក្នុងការបង្ហាញនេះ ក៏មានសក្តានុពលនៃប្រព័ន្ធ 5G mmWave ក្នុងការបង្កើតនូវបច្ចេកវិទ្យាកម្រិតខ្ពស់ និងឆ្លាតវៃសម្រាប់ព្រឹត្តិការណ៍ Winter Olympics និងលទ្ធភាពជាច្រើនសម្រាប់ប្រព័ន្ធអេកូឡូស៊ីឧស្សាហកម្ម និងស្តង់ដារ mmWave របស់ប្រទេសចិន។

នៅក្នុងពេលនេះ  សេវាកម្មប្រព័ន្ធ 5G នេះគឺផ្អែកនៅលើប្រព័ន្ធ sub-6GHz និង​រលកសញ្ញា mmWave។ ​សម្រាប់រលកសញ្ញា mmWave នេះគឺមានកម្រិតអេឡិចត្រូម៉ាញ៉េទិចពី 1mm ទៅ 10mm និងកម្រិតហ្វ្រេកង់ 30GHz ទៅ 300GHz។ បើធ្វើការប្រៀបធៀបទៅនឹងកម្រិតក្រោម​ 6GHz នោះ ប្រព័ន្ធ mmWave គឺមានគុណប្រយោជន៍ជាច្រើន ដែលមាន bandwidth ធំជាងមុន និងការតភ្ជាប់នូវ air interface configuration កាន់តែងាយស្រួលជាងមុន ដែលអាចបំពេញនូវតម្រូវការជាច្រើននៃប្រព័ន្ធទំនាក់ទំនងឥតខ្សែ Wireless និងកម្មវិធីជាច្រើនទៀតបានយ៉ាងរលូនថែមទៀត។ សម្រាប់បណ្តាញ high-frequency hybrid networking នេះនឹងក្លាយជាស្ថាបត្យកម្មនៃប្រព័ន្ធទំនាក់ទំនង 5G នេះ។

នៅក្នុងរយៈពេលប៉ុន្មានឆ្នាំនេះ ក្រុមហ៊ុន ​vivo បានធ្វើការវិនិយោគយ៉ាងខ្លាំងទៅលើបច្ចេកវិទ្យា 5G mmWave technology ហើយក្រុមហ៊ុននេះ ក៏ទទួលបាននូវលទ្ធផលជាច្រើនដ៏អស្ចារ្យផងដែរ។ នៅក្នុងឆ្នាំ 2016 នេះ ក្រុមការងារ vivo 5G ចាប់ផ្តើមធ្វើការស្រាវជ្រាវទៅលើបច្ចេកវិទ្យា mmWave technologies និងការអភិវឌ្ឍទៅលើស្តង់ដារ 3GPP R15/R16 mmWave ដែលរួមចំណែកយ៉ាងសំខាន់នៅក្នុងស្តង់ដារ 5G mmWave នេះ។ កាលពីខែកញ្ញាឆ្នាំមុននេះ នៅក្នុងការធ្វើតេស្តដោយស្ថាប័ន IMT2020 (5G) Promotion Group នៅក្នុងទីក្រុងប៉េកាំងបញ្ជាក់ថា កម្រិតនៃ Downlink 4CC របស់ស្មាតហ្វូន 5G mmWave ​របស់ក្រុមហ៊ុន vivo គឺមានកម្រិត 2.06 gigabits per second (Gbps)។ កាលពីខែវិច្ឆិកា ឆ្នាំមុននេះ នៅក្នុងព្រឹត្តិការណ៍ 2020 World 5G Convention ក្រុមហ៊ុន vivo បានប្រកាសបង្ហាញនូវរបៀបដែលស្មាតហ្វូន 5G mmWave អាចធ្វើការតភ្ជាប់ជាមួយនឹងបណ្តាញឥតខ្សែ Wireless ដែលទាក់ទាញនូវការចាប់អារម្មណ៍ជាច្រើនពីមហាជនផងដែរ៕