អបអរសាទរ! ក្រុមមនុស្សទាំងនេះ និងទទួលបានវ៉ាក់សាំងជាជំហានបន្ទាប់ ក្រោយដឹកដល់កម្ពុជាយប់មិញនេះ

ភ្នំពេញ: វ៉ាក់សាំង Astra Zeneca ផលិតនៅប្រទេសឥណ្ឌា និងជាកិច្ចសហប្រតិបត្តិការរបស់ សកលវិទ្យាល័យ Oxford របស់ចក្រភពអង់គ្លេស បានដឹកបានដល់ទឹកដីនៃព្រះរាជាណាចក្រកម្ពុជាកាលពីយប់មិញនេះ។ ចំពោះវ៉ាក់សាំងដែលជាជំហានដំបូង នៃជំនួយឧបត្ថម្ភរបស់មូលនិធិកូវ៉ាក់នេះ និងត្រូវចាក់ជាលើកដំបូងឲ្យដល់ក្រុមមនុស្សមួយចំនួនដែលយោងតាមសេចក្តីជូនដំណឹងរបស់ក្រសួងសុខាភិបាលនៃព្រះរាជាណាចក្រកម្ពុជា បានបង្ហាញពីក្រុមមនុស្សដែលត្រូវបានទទួលវ៉ាក់សាំងនេះ ដែលក្នុងនោះរួមមាន៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. មន្រ្តីរាជការទទួលប​ន្ទុកប្រមូលពន្ធនៃប្រាក់ចំណូល ជាពិសេសគឺមន្រ្តីនៃអគ្គនាយកដ្ឋានគយ និងរដ្ឋាករ នៃព្រះរាជាណាចក្រកម្ពុជា រួមទាំងមន្រ្តីជាប់កិច្ចសន្យា ដែលបម្រើការនៅក្នុងអង្គភាពថែមទៀតផង។

២.មន្រ្តីរាជការ និងបុគ្គលិកនៃគ្រឹះសា្ថនអង្គរ ដែលជាអ្នកស្ថិតនៅជួរមុខក្នុងការផ្តល់សេវាផ្ទាល់ ជាមួយនឹងភ្ញៀវទេសចរបរទេស ក្នុងប្រតិបត្តិការប្រមូលចំណូលពីការលក់ប័ណ្ណចូលទស្សនារមណីយដ្ឋានតំបន់អង្គរ តំបន់ប្រាសាទបឹងមាលា និងតំបន់ប្រាសាទកោះកែវ។

គួររំលឹកផងដែរថា វ៉ាក់សាំងដែលកម្ពុជាទទួលបានជាជំហានដំបូងពីមជ្ឈមណ្ឌលកូវ៉ាក់នេះ មានចំនួនសរុបដល់ទៅ ៣២៤០០០ ដូសដែលជាវ៉ាក់សាំងផលិតនៅវិទ្យាស្ថាន សេរ៉ូម នៃប្រទេសឥណ្ឌា៕

• រូបភាព