មកដឹងរឿងចម្លែក នៅពីក្រោយកោះចំនួនពីរ ដែល​ស្ថិតនៅចម្ងាយពីគ្នាជាង​៤គីឡូម៉ែត្រ ប៉ុន្តែមានរយៈពេលខុសគ្នាដល់ទៅ ២១ម៉ោង

បរទេស៖ អ្នកប្រើប្រាស់បណ្តាញសង្គម TikTok ម្នាក់ទទួលបានការគាំទ្រយ៉ាងខ្លាំង បន្ទាប់ពីគាត់បានពន្យល់ពីមូលហេតុ​នៃកោះចំនួនពីរ ដែល​មានពេលវេលាខុសគ្នារហូតដល់ទៅ ២១ម៉ោង បើទោះបីជាវាស្ថិតនៅចម្ងាយពីគ្នាត្រឹមតែ ៤.៨ គីឡូម៉ែត្រក៏ដោយ។

ប្រជុំកោះ Diomede Islands ត្រូវបាន​ពុះចែកដោយខ្សែបន្ទាត់កាលបរិច្ឆេទអន្តរជាតិ International Date Line (IDL) ស្ថិតនៅចន្លោះដែនដី​ប្រទេស​រុស្ស៊ី និងរដ្ឋអាឡាស្ការបស់សហរដ្ឋអាមេរិក និងកណ្តាលមហាសមុទ្រ​ប៉ាស៊ីហ្វិក ដែល​បង្កើតឡើងសំរាប់​កំណត់ព្រំដែន រវាងថ្ងៃចាស់ និងថ្ងៃថ្មី។ ដូច្នេះវាមានន័យថា​ កោះ Big Diomede ដែលជាកោះមួយស្ថិតនៅក្នុងទឹកដីរុស្ស៊ី គឺមានរយៈពេលដើរលឿនជាងសឹងតែមួយថ្ងៃ បើធៀបទៅនឹងកោះ Little Diomede ដែលជាកោះជិតខាងស្ថិតក្នុង​រដ្ឋអាឡាស្កា សហរដ្ឋអាមេរិក​។ យ៉ាងណាមិញ ដោយសារតែវាស្ថិតនៅចម្ងាយមិនឆ្លាយពីគ្នាប៉ុន្មាន ដូចនេះគេក៏អាចធ្វើដំណើរទៅមកដោយការជិះទូក ឬអាចធ្វើដំណើរ​លើផ្ទាំងទឹកកកនៅក្នុងរដូវ​រងា ក៏ប៉ុន្តែ​សកម្មភាពទាំងនេះក៏ត្រូវចាត់ទុកថាជា​អំពើខុសច្បាប់ដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរជម្រាបថា នៅពេលបច្ចុប្បន្ននេះ កោះ Little Diomede ក្នុង​រដ្ឋអាឡាស្កា គឺមានជនជាតិដើមរស់នៅ​ប្រហែល ១១០នាក់ ខណៈជនជាតិដើមនៅកោះ Big Diomede ត្រូវបាន​រដ្ឋាភិបាលសូវៀត​ផ្លាស់ប្តូរទីលំ​ឱ្យទៅរស់តំបន់ដីគោករុស្ស៊ី ហើយក៏​កែប្រែកោះនេះឱ្យទៅជាអង្គភាពយោធាវិញ៕