អស្ចារ្យមែន! បវរកញ្ញាខ្មែរ២រូបនេះ កំពុងត្រៀមខ្លួនចូលរួមប្រកួតសម្រស់ លំដាប់អន្តរជាតិ និងពិភពលោក

រាជធានីភ្នំពេញ ៖ ពិតណាស់ បើទោះបីមានការរីករាលដាល នៃជំងឺកូវីដខ្លាំងយ៉ាងណាក្តី តែស្រ្តីខ្មែររូបស្រស់ស្អាត មាននាមជាបវរកញ្ញា ទាំង ២រូបនេះ ត្រូវបំពេញភារកិច្ច តំណាងប្រទេសកម្ពុជា ទៅប្រកួតសម្រស់នៅឯក្រៅប្រទេស។

គួរបញ្ជាក់ផងដែរថា ស្ត្រីខ្មែរទី១ គឺកញ្ញា រ៉េត សារីតា ជាបវរកញ្ញាទទួលជ័យលាភី ក្នុងការប្រកួតបវរកញ្ញាចក្រវាលប្រចាំកម្ពុជា Miss Universe Cambodia ប្រចាំឆ្នាំ២០២០ ជាមួយគ្នានេះ រូបនាងកំពុងមានភារកិច្ចបន្តត្រៀមចូលរួម ការប្រកួតសម្រស់ថ្នាក់ពិភពលោកលើកទី៦៩ <69th Miss Universe> ជាកម្មវិធីប្រកួតសម្រស់លំដាប់ទី១ លើពិភពលោកនៅឯទីក្រុង Florida សហរដ្ឋអាមេរិក ដែលនឹងប្រព្រឹត្តទៅនៅថ្ងៃទី ១៦ ឧសភា ឆាប់ៗនេះ។ ជាមួយគ្នានេះ អ្នកគាំទ្រជាច្រើន បានដាក់ការរំពឹងលើ បវរកញ្ញាខ្មែររូបនេះជាខ្លាំង ដោយសារតែ មិនត្រឹមតែមានសម្រស់ស្រស់ស្អាតទេ តែបវរកញ្ញាខ្មែររូបនេះ មានសមត្ថភាពនិយាយភាសាអង់គ្លេសមិនធម្មតា ថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រីឯស្រ្តីខ្មែរម្នាក់ទៀតនោះ គឺកញ្ញា លីវ ជីលី ជាបវរកញ្ញា ដែលទទួលជ័យលាភី ក្នុងការប្រកួត​បវរកញ្ញា Miss Grand Cambodia ប្រចាំឆ្នាំ ២០២០ ទន្ទឹមនឹងនេះ រូបនាងក៏មានភារកិច្ចសំខាន់ ត្រៀមចូលរួមការប្រកួតសម្រស់ថ្នាក់អន្តរជាតិ <Miss Grand International> នៅឯប្រទេសថៃ ដែលនឹងប្រព្រឹត្តទៅ នៅថ្ងៃទី ២៧ មីនា ក្នុងពេលដ៏ខ្លីខាងមុខនេះ។ ដូចគ្នានេះដែរ កញ្ញាក៏ត្រូវបានអ្នកគាំទ្រ ដាក់ការរំពឹងខ្ពស់មិនធម្មតា ក្នុងការប្រកួតថ្នាក់អន្តរជាតិម្តងនេះ៕

បើចង់ដឹងឲ្យកាន់តែច្បាស់នោះ តោះទៅមើលរូបភាពខាងក្រោម ៖

• ការងារ
• ជីវិត
• រូបភាព