ក្រសួងប្រកាស ករណីបុរសជនជាតិចិនម្នាក់ ឆ្លងកូវីដ-១៩ បានស្លាប់ នៅក្នុងមណ្ឌល​ចត្តាឡីស័កព្រែកព្នៅ គឺស្លាប់ព្រោះ រើគ្រឿងញៀន ទើបធ្វើឲ្យគាំងបេះដូង

ភ្នំពេញ៖  មានរឿងដែលគួរឲ្យស្លុតចិត្ត ដោយមានជនជាតិចិនម្នាក់ ឈ្មោះ ​LAI BINXIANG ភេទប្រុស កើតនៅថ្ងៃទី១៩ ខែឧសភា​ ឆ្នាំ១៩៨៧​  បានចូលសម្រាកព្យាបាលនៅមណ្ឌលចត្តាឡីស័កព្រែកព្នៅ ហើយក៏ទទួលមរណភាព កាលពីព្រឹកមិញ វេលាម៉ោង៩ព្រឹក។

ក្នុងនោះដែរ បុរសជនជាតិចិន ដែលមានមានឈ្មោះ ​LAI BINXIANG មានទីលំនៅស្ថិតក្នុងសណ្ឋាគារស៊ីលល័រ ទន្លេបាសាក់​ ​ខណ្ឌចំការមន ភ្នំពេញ។ ដោយជនជាតិចិនរូបនេះ បានមកដល់ ខេត្តព្រះសីហនុ នៅថ្ងៃទី២៥​ ខែ តុលា ឆ្នាំ២០១៩ ហើយរូបគេ ក៏ត្រូវបានក្រសួងសុខាភិបាលប្រមូលសំណាក ថ្ងៃទី២៨ ខែកុម្ភៈ ឆ្នាំ២០២១ លទ្ធផលគឺវិជ្ជមាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់មកទៀត គាត់ ក៏បានចូលមន្ទីរពេទ្យនៅថ្ងៃទី០១ ខែមីនា ឆ្នាំ២០២១ ហើយបានស្លាប់នៅថ្ងៃទី០៤ ខែមីនា ឆ្នាំ២០២១ នាវេលាម៉ោង ០៩:០០ ព្រឹក នៅមន្ទីរពេទ្យនៅព្រែកព្នៅ។

ប៉ុន្តែយ៉ាងណាមិញ ខាងគ្រូពេទ្យ បានធ្វើកោសល្យវិច័យលើសាកសព ដោយលទ្ធផលបានឃើញថា មានសារធាតុអំហ្វេតាមីនខ្ពស់ នៅក្នុងទឹកនោម ដូច្នេះបុគ្គលនេះ បានប្រើប្រាស់សារធាតុនេះយូរណាស់មកហើយ។ បច្ចុប្បន្ន សាកសពកំពុងតែ ទុកនៅមន្ទីរពេទ្យ មិត្តភាពខ្មែរ សូវៀត៕