ក្រោយរៀបការរួចរាប់ឆ្នាំ Rain បង្ហើបថា បើអាចចង់ក្រេបទឹកឃ្មុំជាមួយប្រពន្ធឲ្យបានយូរជាងនេះបន្តិច

កូរ៉េខាងត្បូង៖ កាលពីថ្មីៗនេះ ក្នុងកម្មវិធី «You Quiz on the block» លោក Bi Rain ស្គាល់ជា លីយ៉ុងជេ​ បង្ហាញខ្លួនជាភ្ញៀវពិសេស។ តារាសម្តែង និងចម្រៀងរូបនេះ បាននិយាយដោយរីករាយដោយបង្ហាញពីរឿងគួរឱ្យចាប់អារម្មណ៍ជាច្រើនអំពីជីវិតការងារ និងគន្លឹះខ្លះៗអំពីជីវិតរៀបការផងដែរ។

តួយ៉ាង ក្នុងកម្មវិធីនេះដែរ  នៅពេលត្រូវបានគេសួរអំពីអ្វីដែលសប្បាយរីករាយបំផុតបន្ទាប់ពីធ្វើការ ទៅដល់ផ្ទះវិញ បន្ទាប់មកតារាវ័យ ៣៩ ឆ្នាំរូបនេះបានឆ្លើយបែបកំប្លែងតបថា ដើររើសប្រដាប់ប្រដាក្មេងលេង រាយពេញផ្ទះ នៅពេលបានឈានជើងចូលផ្ទះម្តងៗ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ របលោក ក៏បានចែករំលែកអំពីជីវិតរៀបការ ជាមួយតារាសម្តែងស្រី Kim Tae Hee បាននិយាយថា  បានស្រលាញ់នាង និងបានរៀបការជាមួយនាងពិតជាអស្ចារ្យណាស់។ តែបើអាច Rain ចង់មានពេលក្រេបទឹកឃ្មុំរបស់ពួកគេឲ្យបានយូរជាងនេះ។

លើសពីនេះ លោកប៉ាកូនពីររូបនេះ បានបន្ថែមនិយាយថានេះគឺជាការសោកស្តាយដ៏ធំបំផុតរបស់លោក។ លោក និង ប្រពន្ធ មិនមានពេលវេលាច្រើនដើម្បីចំណាយពេល ជាប្តីប្រពន្ធជាមួយគ្នា នៃជីវិតអាពាហ៍ពិពាហ៍របស់ពួកគេ បន្ទាប់ពីរៀបការរួច ព្រោះតែបន្ទាប់ពីបានរៀបការមិនទាន់បានប៉ុន្មាន Kim Tae Hee ស្រាប់តែមានផ្ទៃពោះតែម្តង។

គួរបញ្ជាក់ផងដែរថាលោក Bi Rain និងតារាម្តែងស្រី Kim Tae Hee បានទាក់ទងគ្នាតាំងពីឆ្នាំ ២០១២ ហើយបានរៀបការនៅឆ្នាំ ២០១៧ ដោយបច្ចុប្បន្នអ្នកទាំងពីរ ទទួលបានចំណងដៃកូនស្រីពីរនាក់៕

សូមទស្សនារូបភាពខាងក្រោម៖ 

• តារាកូរ៉េ