មិនឲ្យហ្វេនខកបំណង Justin Bieber ចេញបទថ្មី ដើរតួជាចោរប្លន់ធនាគារតែម្តង (មានវីដេអូ)

បរទេស៖ ប្រហែលជា មួយម៉ោងមុននេះ តារាចម្រៀង Justin Bieber បានធ្វើការបញ្ចេញបទចម្រៀងថ្មីមួយទៀតហើយ ដែលមានចំណងជើងថា «Hold On» ដែលលើកនេះគឺប្លែកជាងលើកមុខដាច់ ដោយលោកបានតែងខ្លួនទៅចោរប្លន់ធនាគារដើម្បីជួយជីវិតមិត្តស្រី។

ដោយឡែក ក្នុងបទនេះ Justin Bieber បានចាប់ដៃសម្តែងជាមួយនឹង តួស្រីតៃវ៉ាន់កាត់អាមេរិក Christine Ko ដែលមានជំងឺមហារីក ដែលតម្រូវទាមទារថ្លៃព្យាបាលដែលមានតម្លៃខ្ពស់ ដូច្នេះតួប្រុសបានសម្រេចចិត្តលក់អចលទ្រព្យ រួមទាំងសម្ភារៈប្រើប្រាស់ដែលខ្លួនមានដើម្បីរកប្រាក់មកផ្គត់ផ្គង់ថ្លៃចំណាយទៅលើការព្យាបាលសង្សារផងដែរ ដោយអស់ជម្រើសរូបគេក៏បានចេញទៅប្លន់ធនាគារមួយកន្លែងជោគជ័យ ដោយប្រើប្រាស់កាំភ្លើងជ័រមួយដើមប៉ុណ្ណោះ ជាអកុសលរូបគេត្រូវបានប៉ូលីសបាញ់មួយគ្រាប់ ហើយចុងក្រោយរូបគេបានគេចខ្លួនទៅរកខាងស្រីដល់មន្ទីរពេទ្យទាំងមានរបួសផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញសង្កេតឃើញថា មានអ្នកគាំទ្រជាច្រើនបាននាំគ្នាសរសើរដល់ស្នាដៃផលិតករ រួមទាំងសម្លេង Justin Bieberនិង ការសម្តែងដ៏អស្ចារ្យមួយនេះផងដែរ៕

សូមចូលទស្សនារូបភាពនិង វីដេអូខាងក្រោម៖

• ចម្រៀង
• យុវវ័យ
• វីដេអូ
• តារាអន្តរជាតិ