អាមេរិក៖ អង្គការណាសាបានចេញមុខបកស្រាយបាតុភូតអាថ៌កំបាំង ដែលពពកពណ៌ក្រហមឆេះមួយដុំ បានហោះអណ្ដែតនៅតំបន់ East Coast កាលពីថ្ងៃពុធ។ រឿងរ៉ាវដ៏ចម្លែកមួយនេះបានធ្វើឲ្យមនុស្សមួយចំនួនហ៊ានសន្និដ្ឋានថា វាអាចទាក់ទងនឹងថាសហោះមនុស្សភពក្រៅ ប៉ុន្តែណាសាបាននិយាយថា បាតុភូតរាងប៉ោងកើតឡើង នៅពេលរ៉ុក្កែតសាកល្បងបានស្ថិតនៅក្នុងគន្លងមិនពេញលេញដំណាក់កាលទី៣ ដែលត្រូវបាញ់បង្ហោះកាលពីថ្ងៃពុធ ពីអាកាសយានដ្ឋាន Wallops Flight Facility នៅជិតឆ្នេររដ្ឋ Virginia។

ណាសាក៏បង្ហោះរូបភាពនៅលើបណ្ដាញសង្គម Twitter បង្ហាញពីរូបពពកពីរផ្សេងគ្នា ដែលបង្កើតឡើងដោយរ៉ុក្កែត ដោយមួយមានរូបរាងក្រហមប៉ោង និងមួយទៀតមានរាងសាចវែង។ ពពករាងប៉ោងត្រូវបានគេហៅថា ពពកក្រហមនិងជាពពកស្ករសំឡី នៅលើបណ្ដាញសង្គម ដែលត្រូវបានគេចែកចាយបន្តជាច្រើនកាលពីយប់ថ្ងៃពុធ។ អ្នកខ្លះបានចែករំលែករូបភាព នៅពេលពពករីកធំនិងផ្លាស់ប្ដូររូបរាង ខណៈព្រះអាទិត្យរៀបអស្ដង្គត ដែលប្រែក្លាយពីពណ៌ក្រហមទៅជាផ្កាឈូក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប្រភពពី Twitter

អង្គការណាសាក៏បានប្រកាសកាលពីថ្ងៃចន្ទដែរថា ទិដ្ឋភាពចម្លែកៗអាចនឹងលេចឡើងនៅលើផ្ទៃមេឃ ដោយសារតែការបញ្ចេញចំហាយ ជាប់ទាក់ទងជាមួយនឹងការបាញ់បង្ហោះ។ ក្រុមមន្ត្រីបានអះអាងថា ចំហាយនេះមិនមានគ្រោះថ្នាក់នោះទេ។

មិនតែប៉ុណ្ណោះ ខាងអង្គការណាសាក៏បានបញ្ជាក់មុននឹងការបាញ់បង្ហោះផងដែរថា ពពកចម្រុះពណ៌អាចនឹងត្រូវបានគេមើលឃើញ ចំពោះមនុស្សរស់នៅទីក្រុង Atlantic និងតំបន់ភាគអាគ្នេយ៍សហរដ្ឋអាមេរិក ខណៈពេលព្រះអាទិត្យជះពន្លឺចំចំហាយទាំងនោះ មុនពេលវារលាយបាត់ទៅក្នុងលំហអាកាស។ ការបង្ហោះរ៉ុក្កែតនេះគឺជាផ្នែកមួយនៃការសិក្សាអ៊ីយ៉ុងកម្ម ដែលធ្វើឡើងនៅលើបរិយាកាសរបស់ផែនដី៕

ការប្រកាសរបស់ណាសា មុនថ្ងៃបាញ់បង្ហោះរ៉ុក្កែត
ការបង្ហោះរបស់អ្នកលេង Twitter
ការបង្ហោះរបស់អ្នកលេង Twitter
ការបង្ហោះរបស់អ្នកលេង Twitter
ការបង្ហោះរបស់អ្នកលេង Twitter

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]


SPONSORED CONTENT