បុរសជនជាតិថៃម្នាក់នេះ ត្រូវបានគេប្រសិទ្ធនាមថាជាវីរបុរស ក្រោយពីបានធ្វើរឿងដ៏អស្ចារ្យមួយនេះ

ប្រទេសថៃ: ផ្អែកតាមទីភ្នាក់ងារសារព័ត៌មាន បាងកកប៉ុស្តិ៍ក្នុងប្រតិបត្តិសារព័ត៌មានលើទំព័រមុខរបស់ខ្លួន បានសរសេររៀបរ៉ាប់អំពីវីរភាពរបស់កងនាវាថៃ ដែលប្រថុយជីវិតក្នុងការជួយសង្រ្គោះសត្វឆ្មា៤ក្បាល ក្នុងខណ:ពេលដែលនាវាមួយកំពុងឆាបឆេះយ៉ាងសន្ធោសន្ធៅនៅក្នុងលំហសមុទ្រអាដាម៉ង់( Adaman)កាលពីពេលថ្មីៗនេះ ដោយបានធ្វើឲ្យមានសាធារណមតិជាច្រើនស្ងើចសរសើរចំពោះការលះបង់ដ៏ធំធេងរបស់លោកនាវិកជនជាតិថៃម្នាក់នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាលពីពេលថ្មី ក្រោយពីលោកបានធ្វើរឿងដ៏អស្ចារ្យនេះហើយ ស្រាប់តែអង្គការប្រជាជនមើលថែទាំសត្វប្រកបដោយសីលធម៌ ( People for the Ethical Treatment of Animal - PETA ) បានចេញប្រកាសនីយបត្រសរសើរដល់កងនាវាថៃរូបនេះ ដោយបានបញ្ជាក់ថាលោកពិតជាសាកសមនិងទទួលបានវា តបស្នងនិងការយកអាយុជីវិតទៅប្រថុយដើម្បីសត្វ។

អំពើដ៏ល្អរបស់នាវិកជនជាតិថៃរូបនេះ បានទទួលការសាទរយ៉ាងខ្លាំងទាំងនៅក្នុងសង្គមថៃ និងពិភពលោក​ហើយក៏អាចទុកជាបទពិសោធន៍ និងគំរូដល់ល្អមួយក្នុងជីវិត និងការរស់នៅប្រកបដោយការលះបង់នៅក្នុងសង្គមផងដែរ៕

• ជីវិត
• រូបភាព