ធ្លាប់ជាតារាK-pop ល្បីមួយរូប ពេលនេះតារាស្រីរូបនេះ ទៅធ្វើការហាងកាហ្វេ ស្ទើរមិនគ្រប់ក្នុងការចាយ

កូរ៉េខាងត្បូង៖ អតីតតារស្រីរ៉េប Baby J (ឈ្មោះពិត Ha Joo Yeon) ដែលជាសមាជិកម្នាក់របស់ក្រុមចម្រៀងនារី Jewelry ល្បីឈ្មោះក្នុងកំឡុងឆ្នាំ ២០០៨ បានចូលរួមកម្មវិធីយូធូបមួយ ចែករំលែកពីជីវិតពិតក្រោយពីរូបនាងឈប់ពីសិល្បៈ។

ជាមួយគ្នានោះដែរ Baby J បានលើកឡើងថា នៅឆ្នាំ ២០១៤ រូបនាងបានចាកចេញពីក្រុម បន្ទាប់មក​ ក៏បានបន្តចូលរួមក្នុងកម្មវិធីមួយចំនួនដូចជា Show Me The Money 5 រដូវកាលទី ៥ និង Unpretty Rapstar រដូវកាលទី ៣ ជាដើម។ ទោះជាយ៉ាងណាក៏ដោយរូបនាង មិនបានទទួលបានលទ្ធផលល្អនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ Baby J ក៏បានស្រក់ទឹកភ្នែកនៅ Show Me The Money នៅពេលចែករំលែកអំពីជីវិតដ៏អាក្រក់បន្ទាប់ពីចាកចេញពីក្រុម ដោយនាងធ្លាប់ធ្វើការនៅហាងភីហ្សា និងហាងលក់សំលៀកបំពាក់ដើម្បីរកលុយដើម្បីរកប្រាក់ចិញ្ចឹម ខណៈរូបនាងអត់ការងារធ្វើ។ 

តួយ៉ាង នៅក្នុងបទសម្ភាសន៍តាមវីដេអូនាង អតីតតារាស្រីវ័យ ៣៥ ឆ្នាំរូបនេះ សារភាពថា នាងមិនអាចទទួលបានការងារណាមួយនៅក្នុងឧស្សាហកម្មកម្សាន្តម្តងទៀតបានទេ ដូច្នេះនាងត្រូវទៅធ្វើការនៅ ហាងកាហ្វេបន្ថែមដោយបានលើកឡើងថា៖

គួបញ្ជាក់ផងដែរថា Baby J សមាជិកម្នាក់របស់ក្រុមចម្រៀងនារី Jewelry ដែលបានធ្វើឲ្យមហាជនចាប់អារម្មណ៍ខ្លាំង នូវបទចម្រៀង «Baby one More Time» នៅពេលនោះបទចម្រៀងនេះ តែងតែត្រូវបានគេចាក់នៅគ្រប់ទីកន្លែង មានមានភាពល្បីល្បាញ នៅឆ្នាំ ២០០៨៕

សូមទស្សនារូបភាពខាងក្រោម៖

• តារាកូរ៉េ