រៀបការបានមួយឆ្នាំ ពេលនេះ Mew Nittha ប្រកាសគម្រោងយកកូន

ថៃ៖ ពិតណាស់ ប្រិយមិត្តអ្នកគាំទ្រប្រាកដជាបានស្គាល់ច្បាស់មកហើយពីតារាសម្ដែងស្រី ដ៏មានប្រជាប្រិយ​ និងមានភាពល្បីល្បាញ ព្រមទាំងមានទេពកោសល្យប៉ិនប្រសប់ក្នុងការសម្ដែងផងនោះគឺ អ្នកនាង Mew nittha។

ជាក់ស្ដែង តារាស្រីរូបនេះផងដែរបានទើបរៀបការ​ អស់រយៈពេលមួយឆ្នាំកន្លងទៅជាមួយនឹង ហាយសូល្បីឈ្មោះម្នាក់នៅក្នុងប្រទេសថៃផងនោះ ថ្មីៗនេះ ដោយយោងតាមបទសម្ភាសន៍របស់នាង តារាដែលមានប្រជាប្រិយភាពរូបនេះបានបង្ហាញថា នាងនិងស្វាមីកំពុងចង់បានកូន។ អ្នកនាងបានបន្ថែមថា ក្រោយមកនាងក៏ពិភាក្សាជាមួយវេជ្ជបណ្ឌិតអំពីការមានកូននេះ កំពូលតារាសម្តែងរូបនេះ និយាយថានាងចង់បានកូន ២ នាក់ ប្រុសម្នាក់ និងស្រីម្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងបទសម្ភាសន៍នាងក៏បានបន្ថែម ថារឿងថ្មីរបស់នាងគឺ«Duang Tah Tee Sarm» កំពុងលេងជាគូជាមួយលោក James Ma ស្ទើរតែបានបញ្ចប់ការសម្តែង នាពេលថ្មីៗនេះហើយ។ គួរបញ្ជាក់ថា តារាស្រីរូបនេះត្រូវបានគេទាក់ទងក្នុងតំណែងជាតួរឯក នៅក្នុងរឿងថ្មី ប៉ុន្តែនាងប្រាប់ទៅខាងប៉ុស្តិ៍ថា អ្នកនាងនឹងសុំពេលឈប់សម្រាកមួយរយៈ៕

សូមទស្សនារូបភាពខាងក្រោម៖

• គ្រួសារ
• រូបភាព
• តារាថៃ