ស្រណោះណាស់ ទិនហ្វី ទៅជូនដំណើរមិត្តចាស់ជាលើកចុងក្រោយ

ហុងកុង៖ នៅថ្ងៃទី ៧ ខែមិនា តាមកាសែត HK01 បានរាយការណ៍ថាពិធីបុណ្យសពរបស់សិល្បករ Ng Man Tat បានធ្វើឡើងនៅហុងកុងនៅម៉ោង ២ រសៀល នេះបើយោងតាមអ្នកពិធីរៀបចំកម្មវិធី ហើយអ្នកចង់ចូលរួមគោរពវិញ្ញាណក័ន្ខនៃសព ត្រូវបានអនុញ្ញាតឱ្យតែក្រុមគ្រួសារ មិត្តភក្តិ និងមិត្តរួមការងារជិតស្និទ្ធតែប៉ុណ្ណោះ។

យ៉ាងណាមិញ ក្នុងនោះផងដែរផង គេក៏បានឃើញវត្តមានរបស់តារាសម្តែង Stephen Chow ហៅថា ទិនហ្វី នៅឯពិធីបុណ្យសព ដែលរូបលោក គឺជាសិល្បករដំបូងដែលបានទៅចូលរួមគោរពវិញ្ញាណក្ខ័ណនៃសព ដោយគេសង្កេតឃើញថា រូបលោក ត្រូវបានអមដំណើរដោយអ្នកគ្រប់គ្រង និងក្រុមសន្តិសុខជាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ តារាសម្តែង ក៏ដូចជាអ្នកដឹងនាំរឿងរូបនេះ បានបដិសេធមិនឆ្លើយបទសម្ភាសន៍តាមប្រព័ន្ធផ្សព្វផ្សាយទាំងឡាយ នេះយោងតាមរូបភាព គេបានសង្កេតឃើញថា Stephen មានសភាពស្គមស្គាំង ទោះបីរូបលោកពាក់ម៉ាសបាំងមុខក៏ដោយ ក៏លោកនៅតែមិនអាចលាក់ភាពអស់កម្លាំង និងមានភាពជ្រីវជ្រួញជុំវិញភ្នែកបានឡើយ។

Ng Man Tat និង Stephen ជាមិត្តភក្តិចាស់ ហើយក៏ជាដៃគូយ៉ាងជិតស្និទ្ធផងដែរ។ ពួកគេបានធ្វើការជាមួយគ្នាតាំងពីជំនាន់មិនទាន់ល្បី រហូតមានកេរ្តិ៍ឈ្មោះល្បីល្បាញដូចសព្វថ្ងៃ។ នៅក្នុងវិស័យកុន របស់តារាសម្តែងទាំងពីរបានសហការគ្នាជាង ៣០ ស្នាដៃបង្កើតខ្សែភាពយន្តរាប់មិនអស់សម្រាប់ភាពយន្តចិន។ 

ទោះយ៉ាងណាទំនាក់ទំនងជិតស្និទ្ធរបស់ពួកគេ បានបញ្ចប់ដោយសារតែជម្លោះផ្ទៃក្នុង។ ថ្វីត្បិតតែអ្នកទាំងពីរមិនត្រូវគ្នាក៏ដោយ តែបំណងប្រាថ្នាធំបំផុតរបស់ ទិនហ្វី ចង់មានឱកាសជួបជុំជាមួយបងប្រុសរបស់លោក តែជាអកុសល ភ្លាមៗនោះ Ng Man Tat បានទទួលមរណភាពដោយសារជំងឺមហារីកថ្លើម៕

សូមទស្សនារូបភាពខាងក្រោម៖

• តារាចិន