កុំចេះតែហ៊ាន! ក្មេងប្រុសពីរនាក់ ដែលជិះម៉ូតូទះក្បាលជនបរទេសនោះ ត្រូវបានសមត្ថកិច្ច ខណ្ឌជ្រោយចង្វារឃាត់ខ្លួនហើយ

រាជធានីភ្នំពេញ៖ ក្រោយពីមានការរិះគន់យ៉ាងខ្លាំងពីសំណាក់មហាជន ទៅលើរឿងរ៉ាវ ដែលក្មេងស្ទាវពីរនាក់បានជិះម៉ូតូ ដោយនាំគ្នាសប្បាយភ្លើតភ្លើនខុសរបៀប ដោយបានទះក្បាលជនបរទេសមួយដៃ ទាំងសប្បាយសើចយ៉ាងក្អាកក្អាយគ្មានសីលធម៍ ហើយថែមទាំងមានគ្នីគ្នាថតវីដេអូ រួចយកទៅផុសក្នុងបណ្តាញសង្គម TikTok។ ចំពោះទង្វើរមិនគប្បីនេះផងដែរ បានផ្ទុះការភ្ញាក់ផ្អើល និង រងការរិះគន់មិនសំចៃដៃពីសំណាក់សាធារណជន ក្នុងនោះដែរ មហាជនជាច្រើនបានស្នើឱ្យសមត្ថកិច្ច ស្រាវជ្រាវរកក្មេងទាំងនោះ មកធ្វើការអប់រំ និង ចាត់វិធានការតាមផ្លូវច្បាប់ ព្រោះថាទង្វើរបែបនេះ មិនអាចទទួលយកបានអសីលធម៍គ្មានការអប់រំ និង នាំឱ្យជនបរទេសមួយចំនួន វាយតម្លៃខ្មែរយើងផងដែរ។

ដោយឡែក ក្នុងនោះដែរ អគ្គស្នងការរង និង ជាស្នងការនគរបាលរាជធានីភ្នំពេញ ឯកឧត្តមឧត្តមសេនីយ៍ឯក ស ថេត បានចេញបទបញ្ជាឱ្យសមត្ថកិច្ចខណ្ឌជ្រោយចង្វារ ធ្វើការឃាត់ខ្លួនក្មេងប្រុស២នាក់ ដែលជិះម៉ូតូធ្វើសកម្មភាពវាយក្បាលជនបរទេស។ ជាមួយគ្នានោះដែរ ក្មេងប្រុសទាំងពីរនាក់នោះ ត្រូវបានសមត្ថកិច្ចឃាត់ខ្លួននៅថ្ងៃទី០៨​ ខែមីនា ឆ្នាំ២០២១ នេះតែម្តង៕ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖