ឥណ្ឌា៖ ប្រធានក្រុមហ៊ុន Muthoot Group លោក George Muthoot បានទទួលមរណភាពហើយកាលពីថ្ងៃទី០៦ ខែមីនា ឆ្នាំ២០២១ កន្លងទៅនេះ ក្នុងវ័យ៧២ឆ្នាំ។
មរណភាពភ្លាមៗរបស់លោក George Muthoot គឺជាការបាត់បង់ដែលពិបាកទទួលយកសម្រាប់ក្រុមហ៊ុន បុគ្គលិក ម្ចាស់ភាគហ៊ុន មិត្តភ័ក្តិ និង ជាពិសេសគ្រួសារតែម្តង។
M.G. លោក George Muthoot អាយុ ៧១ ឆ្នាំជាប្រធានក្រុមហ៊ុន Muthoot Finance ដែលជាក្រុមហ៊ុនហិរញ្ញវត្ថុមាសធំជាងគេរបស់ឥណ្ឌាបានទទួលមរណភាពកាលពីថ្ងៃសុក្រ នៅឯគេហដ្ឋានរបស់លោកក្នុងទីក្រុងញូវដែលី។ Muthoot ដែលទទួលរងពីជម្ងឺ Vertigo បាត់បង់តុល្យភាពហើយធ្លាក់ជណ្តើរនៅផ្ទះរបស់គាត់។ គាត់ត្រូវបានគេបញ្ជូនទៅមន្ទីរពេទ្យ Escorts ភ្លាមៗ តែជាអកុសល រូបលោកបានស្លាប់ភ្លាមនៅមន្ទីរពេទ្យតែម្តង។
យោងទៅតាមរបាយការណ៍របស់ប៉ូលីស លោកMuthoot បាត់បង់លំនឹង និង ដួលស្លាប់ភ្លាមៗ ពីជាន់ទី៤ នៅក្នុងផ្ទះរបស់លោក នៅក្នុងខាងកើតក្រុង Kailash នៃរដ្ឋដេលី។
គួរបញ្ជាក់ផងដែរថា លោក Muthoot រួមទាំងគ្រួសាររបស់លោកគឺស្ថិតនៅលំដាប់លេខរៀងទី២៦ នៅក្នុងបញ្ជីនៃមនុស្សដែលមានជាងគេបំផុតនៅក្នុងប្រទេសឥណ្ឌា នៅឆ្នាំ២០២០ ដោយមានទឹកប្រាក់ ៤.៨ កោដិដុល្លារអាមេរិក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
