បន្ទាន់ខ្លាំង! គិតមកទល់យប់នេះ សម្តេចតេជោ ហ៊ុន សែន មានប្រសាសន៍ថា មានអ្នកឆ្លងកូវីដ១៩ ទៅដល់​៤៩នាក់ ហើយធ្លាយដល់ពិធីការិនីល្បី មួយរូបទៀត

ភ្នំពេញ៖ មុននេះបន្តិច សម្តេចតេជោ ហ៊ុន សែន  សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងសារពិសេស ផ្ញើជូនជនរួមជាតិពាក់ព័ន្ធស្ថានភាពជំងឺកូវីដ១៩ នៅកម្ពុជា ដែលបាននឹងកំពុងរីករាលដាលខ្លាំងឡើងៗ ហើយមកទល់យប់ពេលនេះ មានអ្នកឆ្លងកូវីដទៅដល់៤៩នាក់ ហើយធ្លាយទៅដល់អ្នកសិល្បៈថែមទៀតផង។​

សម្តេចតេជោ បានមានប្រសាសន៍ តាមប្រព័ន្ធTelegram ថា មកដល់យប់នេះ មានករណីឆ្លងថ្មីរហូតដល់៤៩នាក់ទៀត នៅក្នុងរាជធានីភ្នំពេញ ខេត្តព្រះសីហនុ កណ្តាល ព្រៃវែង និងផ្នែកខ្លះនៃខេត្តដទៃទៀត។ សម្តេចតេជោ ហ៊ុន សែន បានថ្លែងថា ក្នុងចំណោមអ្នកឆ្លងនេះ មានក្នុងជួរមន្ត្រីនគរបាល មន្ត្រីរាជការ និងសិល្បករ សិល្បការិនីផងដែរ ។ ដូច្នេះបងប្អូន សូមមានការប្រុងប្រយ័ត្ន និងការពារ ឲ្យបានខ្ជាប់ខ្ជួន ជាមួយនឹង ជំងឺកូវីដ១៩មួយនេះ ផងដែរ ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព័ត៌មានលម្អិតយ៉ាងណា សូមតាមដាន នៅក្នុងផេកខ្មែរឡូត បន្តទៀត ខ្មែរឡូតនឹងបន្តអាប់ដេត ជូនប្រិយមិត្ត៕