គួរឲ្យគោរព! ថ្ងៃសិទ្ធិនារី ៨មីនា គេឈប់សម្រាកគ្រប់គ្នា ប៉ុន្តែក្រុមគ្រូពេទ្យកម្ពុជា រវល់មើលថែប្រជាជន គ្មានពេលសម្រាក

ភ្នំពេញ៖ ក្រោយផ្ទុះករណីឆ្លងរីករាលជាសហគមន៍២០ កុម្ភ: កន្លងទៅថ្មីៗនេះ សន្ទុះនៃករណីវិជ្ជមានជាបន្តបន្ទាប់នៅកម្ពុជា ពោលគឺពីមួយថ្ងៃទៅមួយថ្ងៃ មានការកើនឡើងគួរឲ្យកត់សម្គាល់ ដែលតម្រូវឲ្យមានការចូលរួមធ្វើអន្តរាគមន៍យ៉ាងសកម្មពីសំណាក់ក្រុមគ្រូពេទ្យកម្ពុជា ក្នុងការយកសំណាក ធ្វើអង្គវិភាគ ក៏ដូចជាធ្វើការស្វែងរកប្រភព និងអ្នកដែលជាប់ពាក់ព័ន្ធជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាលពីថ្ងៃម្សិលមិញនេះ ដែលត្រូវជាទិវាសិទ្ធិនារីអន្តរជាតិ ៨មីនា ហើយក៏ត្រូវជាថ្ងៃឈប់សម្រាកដែលមាននៅក្នុងប្រតិទិនការងារផងដែរនោះ ប្រជាជន និងមន្រ្តីរាជការគ្រប់លំដាប់ថ្នាក់បានធ្វើការឈប់សម្រាក រីឯក្រុមគ្រូពេទ្យកម្ពុជាវិញ កំពុងតែបំពេញការងារយ៉ាងសកម្មនៅក្នុងបរិបទ និងព្រឹត្តការណ៍សហគមន៍ទ្រង់ទ្រាយធំនៅកម្ពុជាទៅវិញ។

ទង្វើ និងការលះបង់ដ៏ខ្ពស់របស់ក្រុមគ្រូពេទ្យកម្ពុជា ត្រូវបានសាធារណមតិនៃប្រជាជនខ្មែរគ្រប់ស្រទាប់វណ្ណ: បានសម្តែងនូវទឹកចិត្តគោរព និងស្រឡាញ់ចំពោះបេសកកម្មរបស់ក្រុមគ្រូពេទ្យគ្រប់លំដាប់ថ្នាក់ ដែលបានចំណាយពេលវេលា និងប្រថុយអាយុជីវិតដើម្បីប្រជាជន។ ពួកយើងជាជនរួមជាតិ ក៏សូមបួងសួងឲ្យក្រុមគ្រូពេទ្យកម្ពុជាទាំងអស់ជួបប្រទះតែនិងសុខសុវត្ថិភាពក្នុងការបំពេញការងារដ៏ថ្លៃថ្លានេះ ក្នុងបុព្វហេតុជាតិមាតុភូមិ៕

ខាងក្រោមនេះ ជារូបភាពមួយចំនួននៃសកម្មភាពរបស់ក្រុមគ្រូពេទ្យកម្ពុជាក្នុងពេលបំពេញការងារ នៅថ្ងៃឈប់សម្រាក៨មីនា សូមទស្សនារូបភាពខាងក្រោមនេះ៖

• ការងារ
• រូបភាព