ភ្ញាក់ផ្អើល! ក្រោយឃើញ មេបាទាំងសងខាង សម្រេចចិត្តធ្វើរឿងនេះ ព្រោះតែកូនកំលោះក្រមុំ ជួបរឿង...

ខេត្តក្រចេះ៖ មានហេតុការណ៍នៃករណីរឿងរ៉ាវអាពាហ៍ពិពាហ៍របស់គូស្វាមី ភរិយាថ្មោងថ្មីមួយកន្លែង ដែលកំពុងផ្ទុះការចាប់អារម្មណ៍ខ្លាំងនៅលើបណ្តាញសង្គមខណ:ដែលលោកឪពុក អ្នកម្តាយ ដែលត្រូវជាមេបាទាំងសងខាង របស់កូនក្រមុំ និងកូនកំលោះ ជាគូស្វាមី ភរិយាថ្មីបានសម្រេចចិត្ត រៀបចំតុបតែងឧបកិច្ច ជាតួអង្គតំណាងឲ្យកូនៗរបស់ខ្លួនចូលធ្វើពិធីមង្គលការជំនួស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ចំពោះមូលហេតុពិត នៃរឿងរ៉ាវដ៏កម្រកើតមាននេះ គឺកើតឡើងយ៉ាងដូច្នេះ ដោយសារតែកូនក្រមុំ និងកូនកំលោះ ជាប់ខ្លួននៅក្នុងក្រុងព្រះសីហនុ ស្របពេលដែលពិធិអាពាហ៍ពិពាហ៍មិនអាចរំសាយចោល និងមិនអាចលើកពេលបានផងនោះ មេបាទាំងសងខាងក៏សម្រេចចិត្តរៀបការជាលក្ខណ:ឧបកិច្ច ជាការបញ្ចប់ពិធីជំនួសតាមកូនក្រមុំ និងកូនកំលោះ ស្របតាមទំនឹមទំនៀមខ្មែរដើម្បីកុំឲ្យខុសនិងគន្លងមេបា។

គួររំលឹកផងដែរថា ក្រោយពីពេលដែលរាជរដ្ឋាភិបាល និងថ្នាក់ដឹកនាំខេត្តព្រះសីហនុ បានសម្រេចចិត្តដាក់បទបញ្ជា ដោយហាមមិនឲ្យមានលំហូរចូល និងចេញនៃជនទាំងឡាយមកក្នុងខេត្តព្រះសីហនុរួចមក ប្រជាជន និងភ្ញៀវទេសចរណ៍ទាំងអស់មិនអាចធ្វើដំណើរចូល និងចេញទៅក្រៅបានទេ ដោយផ្អែកលើស្ថានភាពចម្បងគឺការរីករាលដាលនៃជំងឺកូវីដ១៩ ក្នុងសហគមន៍ ២០កុម្ភ:៕

• គ្រួសារ
• ជីវិត
• រូបភាព