វិធីព្យាបាលខ្លះៗលើមុខមានអាចម៍រុយ និងស្នាមមុន!

ដៅពីកំណើត ស្នាមអាចម៍រុយ និងប្រជ្រុយ ជាស្នាមដែលធ្វើឲ្យយើងមើលឃើញខុសពីគ្នា។ ស្នាមអាចម៍រុយខ្លះនៅលើថ្ពាល់អាចមើលទៅឃើញស្អាត ប៉ុន្តែស្នាមមុន ឬស្នាមអាចម៍រុយដោយសារវ័យខ្លះអាចមើលទៅមានបញ្ហា។ ជាការពិតណាស់ មានតែយើងទេដែលដឹងពីខ្លួនឯងជាងអ្នកដទៃ ហើយពេលខ្លះយើងគិតថាគេកំពុងសម្លឹងយើងនឹងភាពមិនប្រក្រតីនោះ ប៉ុន្តែតាមការពិតគ្មានទេ។

ជម្រើសនៃការព្យាបាល

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជម្រើសក្នុងការដោះស្រាយបញ្ហាស្នាមលើមុខមានច្រើនទៅតាមស្ថានភាពស្បែករបស់យើង ដែលមានទាំងត្រូវការវះកាត់ និងមិនវះកាត់។ គួរពិភាក្សាជាមួយគ្រូពេទ្យនូវជម្រើសណាមួយដែលយើងជ្រើសរើស។

១. ការផាត់មុខ

យើងអាចផាត់មុខដើម្បីបិទបាំង ប្រសិនបើវាគ្រាន់ជាស្នាមពីកំណើតដែលសំរប៉ែត និងមានពណ៌តិចតួច។ យើងគួរផាត់ជាមួយម្សៅទ្រនាប់ ឬ ផលិតផលសម្រាប់បិទបាំង (concealer) ណាដែលត្រូវពណ៌ស្បែករបស់យើង។ នេះជាវិធីមួយដែលស្រួលនិងសាមញ្ញក្នុងការបិទបាំងស្នាម។

២. ការចាក់បំពេញស្រទាប់ស្បែក (DermalFillers)

ការចាក់បំពេញក្រោមស្បែកជាជម្រើសដែលមិនត្រូវការវះកាត់សម្រាប់បញ្ហាស្បែកមួយចំនួន។ គេបង្កើតវិធីសាស្រ្តនេះសម្រាប់ការប្រើប្រាស់ដើម្បីសោភណ្ឌភាពមុខ និងការជួសជុលស្បែកផ្សេងៗ។ សារធាតុដែលគេយកមកប្រើជាសារធាតុសំយោគ អាចជាទាញចេញពីសត្វគោ ឬសត្វជ្រូក។ សារធាតុមួយចំនួនទាញចេញពី កោសិកាសាកសពស្រស់ៗ។ ថ្នាំខ្លះដែលមាន អាសុីតហ៉្យារឡូរ៉ូនីក (Hyaluronic Acid) អាចទាញចេញពីសិរមាន់។ មធ្យោបាយមួយទៀត គឺទាញយកពីខ្លាញ់អ្នកជំងឺផ្ទាល់ដើម្បីមកចាក់បំពេញ។

ថ្នាំចាក់ក្រោមស្បែក អាចធ្វើឲ្យសភាពថ្ពាល់យើងដូចមនុស្សពេញវ័យម្តងទៀត ហើយក៏ធ្វើឲ្យស្នាមជ្រួញមករលោងវិញ ក៏ដូចជាធ្វើឲ្យបបូរមាត់ឡើងក្រាស់ជាងមុន។ វាអាចធ្វើឲ្យស្នាមប្រសើរជាងមុន។ ប៉ុន្តែវាមិនអាចជួយឲ្យភាពយឺតនៃស្បែកតឹងខ្លាំងពេកទេ ហើយថ្នាំបំពេញនោះនឹងខូច និងស្រូបដោយរាងកាយទៅវិញ។ ការរលាត់ស្បែក និងហើមជាទូទៅអាចកើតមានឡើង។ ការបង្ករោគ ការបង្កឲ្យមានកំណកឈាម ប្រតិកម្មអាលែកហ្សុី និងផលរំខានដទៃទៀត ជាហានិភ័យនៃដំណើរការនេះ។

៣. ការចាក់Botox

ការចាក់ Botox គឺធ្វើឡើងដើម្បីបង្អាក់សញ្ញាសសៃប្រសាទបញ្ជាលើសាច់ដុំកុំឲ្យមានចលនា។ ពេលសាច់ដុំមុខមានចលនា វាធ្វើឲ្យស្បែកជ្រួញដូចជានៅពេលសើច ក្រញូវ និងធ្វើទឹកមុខផ្សេងៗទៀត។ យើងមិនចាំបាច់ទៅជួបគ្រូពេទ្យច្រើនសារសម្រាប់ការព្យាបាលមួយនេះទេ។ ជាបទពិសោធន៍ អ្នកជំនាញនឹងចាក់សារធាតុតុសុីន (Toxin) ទៅលើសាច់ដុំមុខលើកន្លែងដែលមានបញ្ហា។ វិធីនេះអាចកាត់បន្ថយស្នាមជ្រួញលើស្បែកបាន។

ការប្រើប្រាស់វិធីនេះ អាចបង្កឲ្យសាច់ដុំមុខមានចលនា ហើយមើលទៅអាចមិនធម្មជាតិ។ ហានិភ័យគឺស្រដៀងនឹងការចាក់បំពេញក្រោមស្បែកដែរ។ ប្រសិនបើយើងគ្មានជំនាញចាក់ខុសកន្លែងនោះ វាអាចធ្វើឲ្យត្របកភ្នែក ឬកែមមាត់ធ្លាក់រហូតដល់ឥទ្ធិពលនៃថ្នាំនេះអស់ប្រសិទ្ធភាពក្នុងពេលប៉ុន្មានអាទិត្យ។

៤. Dermabrasion

Dermabrasion ជាវិធីដែលយកច្រាស់មកត្រដុះលើផ្ទៃមុខដើម្បីជម្រះស្នាមមុន ចំណុចអុចៗដោយសារវ័យ ស្នាមជ្រួញ ឬបញ្ហាមុខដទៃទៀត។ វិធីនេះអាចធ្វើឡើងដោយអ្នកឯកទេសស្បែក ឬគ្រូពេទ្យវះកាត់ផ្នែកកែសម្ផស្ស។ ដំណើរការនៃវិធីនេះ គឺជម្រះចោលនូវស្រទាប់ស្បែកខាងលើ ដែលអាចនាំឲ្យមុនឡើងក្រហមដូចរលាកពេញមុខ។ មួយទៅពីរអាទិត្យក្រោយ ស្បែកក្រហមនេះនឹងប្តូរទៅជាពណ៌ផ្កាឈូកហើយរលោង។ ប្រសិនបើស្បែកយើងមានស្នាមអុជស្វាយ ឬមុនជ្រៅៗ គេក៏អាចប្រើវិធីនេះជាមួយការយកស្បែកពីកន្លែងដទៃមកជួសជុល ហៅថា « Punch Grafts»។ ការចាក់បំពេញស្រទាប់ក្រោមស្បែកក៏អាចប្រើដើម្បីបំបាត់ស្នាមទ្រុតៗដែរ។

ហានិភ័យមួយចំនួន នៃ Dermabrasion រួមមាន៖

ការបង្ករោគ
ហូរឈាម
មានស្នាម
អាចបាត់ឬកើនឡើងសារធាតុផ្តល់ពណ៌ដល់ស្បែក

Microdermabrasion ជាវិធីស្រាលជាងដែលត្រូវការការព្យាបាលមួយចំនួន ប៉ុន្តែមិនអាចផ្តល់លទ្ធផលល្អប៉ុន្មានទេ។

៥. ការបកមុខដោយសារជាតិគីមី

វិធីមួយទៀតដើម្បីជម្រុះស្រទាប់ស្បែកខាងលើបានគឺ ការប្រើប្រាស់សារធាតុគីមីមួយចំនួន។ ការបកមុខដោយសារធាតុគីមីជាវិធីសាស្រ្តមួយដែលមិនសូវខ្លាំងដូចDermabrasionទេ ហើយលទ្ធផលក៏មិនសូវជាល្អ និងបានយូរជាង Dermabrasion ដែរ។ ហានិភ័យនៃដំណើរការនេះ គឺស្រដៀងនឹង Dermabrasion។ ការបកដោយសារធាតុគីមីអាចធ្វើឡើងដោយអ្នកឯកទេសស្បែក ឬគ្រូពេទ្យជំនាញ។ យើងត្រូវមានការថែទាំស្បែកឲ្យបានល្អក្រោយពេលប្រើប្រាស់វិធីនេះ ដែលនឹងមានការណែនាំដោយអ្នកឯកទេសស្បែក។

៦. ការបាញ់ឡាស៊ែ

ការបាញ់ឡាស៊ែរជាជម្រើសមួយទៀតដើម្បីព្យាបាលបញ្ហាស្បែក។ គេបាញ់ឡាស៊ែរបែបការវះកាត់ទៅលើកន្លែងដែលមានបញ្ហាដើម្បីឲ្យដុះនូវស្រទាប់ថ្មី។ ការបាញ់ឡាស៊ែរដែលនិយមប្រើ គឺការបាញ់ឡាស៊ែរដោយ កាបូនឌីអុកសុីត និងការបាញ់ឡាស៊ែរដោយ អ៊ែរបេម(erbium)។ វិធីនេះពិតជាប្រយោជន៍សម្រាប់ការជម្រះស្នាមសាក់ និងជម្រុះរោម។ វាអាចជួយឲ្យសសៃឈាមក្រហមដែលឃើញលើថ្ពាល់ ឬជិតច្រមុះបាត់ទៅវិញ។ ប៉ុន្តែ វាអាចមិនសូវគេយកទៅប្រើជាមួយអ្នកមានស្បែកខ្មៅទេ។ មួយវិញទៀត ហានិភ័យនៃវិធីនេះ គឺដូចនឹង Dermabrasion ដែលគួបផ្សំជាមួយការដែលអាចមានគ្រោះថ្នាក់ដល់ភ្នែក។

៧. ការវះកាត់

ប្រសិនបើជម្រើសដែលមិនវះកាត់គ្មានប្រសិទ្ធភាពយើងអាចប្រើប្រាស់ការវះកាត់បាន។ ប្រជ្រុយ និងស្នាមក្រហមពីកំណើត អាចលុបបាន អាស្រ័យលើទំហំ និងទីតាំង។ ជាទូទៅ វាអាចធ្វើឲ្យមានស្នាមបាន។ ស្នាមលើស្បែកមនុស្សជាច្រើនអាចបាត់ទៅវិញនៅពេលវេលាណាមួយ។ យើងអាចធ្វើវា ២ ទៅ ៣ដងក្នុងការលុបស្នាមទាំងនោះ។ យើងត្រូវតែជួបជាមួយអ្នកឯកទេសស្បែកភ្លាម ប្រសិនបើយើងសង្ស័យថាប្រជ្រុយនោះជាប្រជ្រុយមហារីក។ សញ្ញានៃប្រជ្រុយមហារីករួមមានការប្រែប្រួលនៃគែម ពណ៌ សណ្ឋាន ឬភាពស្មើគ្នា ឬមានហូរឈាម។

ការព្យាបាលគឺត្រូវធ្វើឡើងតាមប្រភេទនៃស្បែក ហើយការព្យាបាលនិមួយៗតែងមានផលរំខាន ដែលត្រូវធៀបជាមួយអារម្មណ៍ដែលអ្នកមិនទទួលការព្យាបាល។យើងគួរតែពិភាក្សាជាមួយគ្រូពេទ្យ ឬអ្នកឯកទេសស្បែក ប្រសិនបើយើងចង់ជ្រើសរើសវិធីសាស្រ្តណាមួយ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

វិធីព្យាបាលខ្លះៗលើមុខមានអាចម៍រុយ និង​ស្នាមមុន!