ពិតជាសង្វេគណាស់! សូម្បីតែរោងបុណ្យ បុរសដែលស្លាប់ដោយសារកូវីដ​១៩ ក៏គ្មាន បានត្រឹមសែនបន្តិចបន្តួច

ភ្នំពេញ៖ នៅលើបណ្តាញសង្គមហ្វេសប៊ុកមួយចំនួន កំពុងតែបន្តការចែកចាយ នៅលើទិដ្ឋភាពប៉ុន្មានសន្លឹក នៃរូបថត នៅគេហដ្ឋានក្រុមគ្រួសាររបស់បុរស ដែលបានស្លាប់ដោយសារកូវីដ​១៩ កាលពីម្សិលមិញនេះ​ បានធ្វើឲ្យអ្នកនិយមអ៉ីនធើណែតមានការសង្វេគជាពន់ពេក។

យោងទៅតាមរូបភាពទាំងនោះ មហាជនបានសង្កេតឃើញថា នៅគេហដ្ឋានរបស់នៃសព ដែលនៅទីតាំង ភូមិព្រែកតាឡុងទី៣ ខណ្ឌមានជ័យ ត្រូវបានគេឲ្យដឹងថា គ្មានសូម្បីការសាងសង់់រោងបុណ្យ គ្រាន់តែមានការសែន ព្រេងបន្តិចបន្តួច ឧ​ទ្ទិស​ដល់​វិញ្ញាណនៃសព ជាមួយរូបថតម្ចាស់សពកាលនៅរស់ នៅមុខផ្ទះតែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ក្រោយពីបានឃើញរូបភាពទាំងនេះហើយ បានធ្វើឲ្យមហាជនមានការរំជួលចិត្ត អាណិតអាសូរជាខ្លាំង ជាមួយការព្រាត់គ្នា សូម្បីតែមុខមិនបានជួប ក៏ដូចជាការលាគ្នា ក្នុងរយៈពេល ២សប្តាហ៍ចុងក្រោយនេះ បន្ទាប់ពីរូបលោក បានឃ្លាតគ្នា ពីប្រពន្ធរួមនឹងកូន ស្លាប់ដោយសារនឹងជំងឺឆ្លងដ៏កាចសាហាវមួយនេះ។

យ៉ាងណាមិញ នេះជាការគោរពយ៉ាងខ្ជាប់ខ្ជួន តាមការណែនាំ​របស់ក្រសួងសុខាភិបាល «៣កុំ ៣កាពារ» ដើម្បីទប់ស្កាត់ នៃជំងឺឆ្លងមួយនេះ កំពុងរីករាលដាលយ៉ាងកត់សម្គាល់ នៃ «ព្រឹត្តិការណ៍សហគមន៍ ២០កុម្ភៈ» ដូច្នេះដែរ៕

សូមវិញ្ញាណក្ខន្ធបានទៅកាន់សុគតិភព និងចូលរួមរំលែកទុក្ខនៃគ្រួសារសពផង!

សូមទស្សនារូបភាពខាងក្រោម៖