ក្រោយភ្លៀងមេឃស្រឡះ! អនុសេនីយ៍ទោបំបៅកូន កំឡុងពេលបំពេញភារកិច្ច ទទួលបានជំនួយពីសម្តេចកិត្តិព្រឹទ្ធបណ្ឌិត​ប៊ុន​ រ៉ានី​ ហ៊ុនសែន​

ភ្នំពេញ៖ ក្រោយផ្ទុះព័ត៌មានទាក់ទងនឹងរូបភាពរបស់លោកស្រី អនុសេនីយ៍ទោ ស៊ីថុង សុខា ដែលកំពុងតែបំបៅដោះកូននៅក្នុងកំឡុងពេលបំពេញភារកិច្ចជាមន្រ្តីនគរបាលចរាចរណ៍ផ្លូវគោកនោះ ថ្មីៗនេះយោងតាមគេហទំព័រផ្លូវការរបស់មាតាមនុស្សធម៌-Humanitarian Motherបានសរសេររៀបរាប់បង្ហាញយ៉ាងដូច្នេះថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឆ្លៀតក្នុងឱកាសនោះ សម្តេចកិត្តិព្រឹទ្ធបណ្ឌិត​ ក៏បានចាត់ឱ្យឯកឧត្តម​ ម៉ុម​ សារឿន​ អភិបាល នៃគណៈអភិបាលខេត្តស្ទឹងត្រែង​ ចុះសួរសុខទុក្ខ​ និងនាំយកថវិកា​ ១០លានរៀល​ ផ្តល់ជូនលោកស្រី អនុសេនីយទោ សុីថុង សុខា ដែលបានបំបៅដោះកូនក្បែរតុធ្វើការងារ កាលពីថ្ងៃទី១២ ខែមីនា ឆ្នាំ២០២១ ដេីម្បីជាការលេីកទឹកចិត្ត​ និងជួយសម្រាលការលំបាកក្នុងជីវភាពរស់នៅប្រចាំថ្ងៃ។

គួររំលឹកផងដែរថា ក្រោយរូបភាពរបស់លោកស្រី អនុសេនីយ៍ទោ រូបនេះត្រូវបានចែកផ្សាយតាមបណ្តាញហ្វេសប៊ុក ក៏មានសប្បុរសជន និងអង្គភាពដែលពាក់ព័ន្ធ ជាពិសេសគឺក្រសួងកិច្ចការនារីបានចេញសេចក្តីថ្លែងការណ៍បង្ហាញនូវការកោតសរសើរចំពោះការលះបង់ក្នុងភាពជាម្តាយក្នុងការចិញ្ចឹមបីបាច់កូន ហើយក៏មានសប្បុរសជនជាច្រើននាក់ទៀតបានចេញមកជួយឧបត្ថម្ភជាថវិកាជួយដល់លោកស្រីអនុសេនីយ៍ទោ ស៊ីថុង សុខា ផងដែរ៕

• ជីវិត
• រូបភាព