ឃើញ Rosé ស្លៀកឈុតសិស្សសាមញ្ញៗ តែកុំចង់ហក់ ពេលដឹងតម្លៃ

កូរ៉េខាងត្បូង៖ នៅថ្ងៃទី ១១ ខែមិនា Rosé សមាជិកក្រុមចម្រៀងនារីសកល BLACKPINK បានបង្ហាញខ្លួនជាសារធារណៈ ដើម្បីចូលរួមថតក្នុងកម្មវិធី «Know Bros» នៅឯស្ទូឌីយោ JTBC ក្នុងទីក្រុង Goyang ខេត្ត Gyeonggi ។

នៅក្នុងនោះផងដែរ តារាស្រីកើតឆ្នាំ ១៩៩៧ រូបនេះ បានស្លៀកសំពត់ពណ៌ប្រផេះ ជាមួយនឹងអាវសាច់ក្រណាត់ពណ៌សអមនិងអាវក្រៅពណ៌ខ្មៅ  លើសពីនេះទៀត​ នាងក៏បានស្ពាយកាបូបស្មាស្បែកពណ៌ខ្មៅ ជាមួយស្បែកជើងខ្មៅដើម្បីទាក់ទាញថែមមួយកម្រិតផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក អ្វីដែលចាប់អារម្មណ៍ជាងនេះទៅទៀតនោះ តម្លៃរបស់សម្លៀកបំពាក់ឯកសណ្ឋានសាលាមួយនេះមានតម្លៃមិនគួរឲ្យជឿ។ វាត្រូវបានគេឱ្យដឹងថា អាវសាច់ក្រណាត់ពណ៌ស របស់នាងមានតម្លៃ ប្រហែល ៣៦៧ ដុល្លារ ខណៈកាបូបស្ពាយរបស់នាងម៉ាក Saint Laurent មានតម្លៃប្រហែល ៣៨៨៦ ដុល្លារ ។

បន្ថែមពីនេះស្បែកជើងរបស់នាងគឺប្រ៊េន Martens ដែលមានតម្លៃជាង ១៩១ដុល្លារ ហើយចិញ្ចៀនបានមកពីប្រ៊េនប្រណីត Tiffany & Co ដែលរំពឹងថានឹងមានតម្លៃ ៥,២៧៧ ដុល្លារ។ តួយ៉ាង បើគិតពីតម្លៃសរុបក្នុងមួយឈុតនេះ គេត្រូវបានប៉ាន់ស្មានប្រមាណតម្លៃប្រហែល ១២,៥០០ដុល្លារ ឯណោះ៕

សូមទស្សនារូបភាពខាងក្រោម៖

• តារាកូរ៉េ