រាជធានីភ្នំពេញ៖ បើយោងតាមប្រភពមួយរបស់សមត្ថកិច្ច បានបញ្ជាក់ឱ្យដឹងថា បុរសម្នាក់អាយុ២៣ឆ្នាំ មានទីលំនៅនៅសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ មានវិជ្ជមានកូវីដ១៩ កាលពីយប់ថ្ងៃទី១៤ ខែមីនា ឆ្នាំ២០២១។
គួរបញ្ជាក់ផងដែរ ថាបុរសខាងលើនេះ បានទៅចូលរួមពិធីមង្គលការមួយនៅស្រុកឈូក ខេត្តកំពត នៅរសៀលថ្ងៃទី១៤ ខែមីនា ឆ្នាំ២០២១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ កាលពីថ្ងៃទី១២ ខែមីនា ឆ្នាំ២០២១ បុរសរូបនោះបានទៅយកសំណាកទៅពិនិត្យរកជំងឺកូវីដ១៩ នៅមន្ទីរពេទ្យរុស្ស៊ី ដោយសារមានការពាក់ព័ន្ធនឹងអ្នកមានផ្ទុកជំងឺកូវីដ១៩។ អ្វីដែលចំឡែកនោះ ក្រោយពីយកសំណាករួចបុរសរូបនេះ មិនបាននៅផ្ទះដើម្បីចត្តាឡីស័កខ្លួនឯងទេ ប៉ុន្តែថែមទាំងបានធ្វើដំណើរទោចូលរួមពិធីមង្គលការនៅក្នុងស្រុកឈូក ដោយជួលឡានតាក់ស៊ីហាយឡែនឌើមួយគ្រឿង នៅពេលដែលត្រឡប់មក មានអ្នកដំណើរនៅក្នុងឡានជាមួយគ្នា៦នាក់។
ដោយឡែកចំពោះព័ត៍មាននេះ ទើបការផ្ទុះការភ្ញាក់ផ្អើល នៅយប់ថ្ងៃទី១៤ ខែមីនា ឆ្នាំ២០២១នេះ ក្រោយពីមានក្រុមគ្រូពេទ្យបានចុះទៅដល់ទីលំនៅរបស់បុរសខាងលើ តែបែរមិននៅ ដោយបានទៅចូលរួមពិធីមង្គលការនៅខេត្តកំពតបាត់។
ប្រភពរបស់សមត្ថកិច្ចបានបន្ថែមថា បន្ទាប់ពីបានរកឃើញបុរសរូបនោះ ក្រុមគ្រូពេទ្យបានយកបុរសកើតកូវីដ១៩ ខាងលើទៅសម្រាកព្យាបាលនៅសណ្ឋាគារ The Great Duke រីឯអ្នករួមដំណើរនៅក្នុងឡានទាំងប្រាំ ត្រូវបាននាំយកទៅធ្វើចត្តាឡីស័ក នៅមណ្ឌលសុខភាពចាក់អង្រែ៕
ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖
![](https://s9.kh1.co/2d/2d1e2574379dc1a61420c3e579eea883d44a6e29.jpg)
![](https://s9.kh1.co/a3/a32a7f89826851c8c9c8256a4393fe23f4cec41b.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]