ក្តៅៗ រដ្ឋបាលខេត្តមណ្ឌលគិរី ចេញសេចក្តីជូនដំណឹង ផ្អាកការរៀបចំពិធីមង្គលការ និងការជួបជុំផ្សេងៗ បែបប្រមូលផ្តុំ ជាបណ្តោះអាសន្ន រហូតដល់...

មណ្ឌលគិរី: យោងទៅតាមលិខិតជូនដំណឹងរបស់ រដ្ឋបាលខេត្ត មណ្ឌលគិរី សូមជម្រាបជូនដំណឹងដល់សាធារណជនក្នុងខេត្តទាំងអស់មេត្តាជ្រាបថា ដោយសារតែព្រឹត្តការណ៍សហគមន៍ ២០ កុម្ភ: កំពុងស្ថិតក្នុងស្ថានភាពប្រឈមធ្ងន់ធ្ងរ គួរឲ្យបារម្ភ ហើយចំនួនអ្នកឆ្លងកូវីដ១៩ នៅតែបន្តរកឃើញពីមួយថ្ងៃ ទៅមួយថ្ងៃ​ រដ្ឋបាលខេត្តមណ្ឌលគិរី សូមផ្អាកជាបណ្តោះអាសន្ននូវការរៀបចំអាពាហ៍ពិពាហ៍ កម្មវិធីជប់លៀងឡើងគេហដ្ឋានថ្មី ពិធីបុណ្យទាន និងពិធីជួបជុំផ្សេងៗដែលមានលក្ខណ:ប្រមូលផ្តុំមនុស្សច្រើន នៅគ្រប់មូលដ្ឋានក្រុង ស្រុក ឃុំ និងសង្កាត់នៅទូទាំងខេត្ត ចាប់ពីថ្ងៃជូនដំណឹងនេះ​រហូត ដល់ព្រឹត្តការណ៍សហគមន៍ ២០ កុម្ភ: ត្រូវបានបិទបញ្ចប់ ។ដោយឡែកចំពោះករណីបុណ្យសពអាចប្រារព្ធបានជាធម្មតាតាមប្រពៃណីបាន ប៉ុន្តែនៅក្នុងតែរង្វង់សាច់ញាតិ និងក្រុមគ្រួសារ ព្រមទាំងកាត់បន្ថយចំនួនអ្នកចូលរួមផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា ក្រៅតែពីរដ្ឋបាលខេត្តមណ្ឌលគិរី ក៏មានបណ្តាខេត្តមួយចំនួនទៀតរួមមានជាអាទិ៍ ដូចជាខេត្តកំពត ព្រះសីហនុ ព្រះវិហារ។ល។ បានចេញសេចក្តីជូនដំណឹងដូចគ្នានេះ ដើម្បីទប់ស្កាត់ការរីករាលដាលនៃជំងឺកូវីដ១៩ នេះនៅក្នុងមូលដ្ឋានរបស់ខ្លួន៕

សូមអានសេចក្តីជូនដំណឹងលម្អិតដែលមានភ្ជាប់នៅផ្នែកខាងក្រោម៖

• រូបភាព