នៅចាំ តួម៉ារ៉ា​កំសត់អត់? ឥឡូវសម្រស់ kathryn ប្រែប្រួលស្អាតសាហាវ

ហ្វីលីពីន៖ មហាជននៅក្នុងស្រុក និងក្រៅស្រុកជាច្រើនបានស្គាល់មកហើយ ពីតារាសម្ដែងស្រីវ័យក្មេង ដ៏មានសមត្ថភាព​​ និងទេពកោសល្យខ្ពស់ក្នុងការសម្ដែង ខ្សែភាពយន្ដ កញ្ញា Kathryn Bernardo ដែលអ្នករាល់គ្នាភាគច្រើនបានស្គាល់នាងថាជា ម៉ារ៉ា ដែលនាងបានសម្ដែងនៅក្នុងខ្សែភាព​យន្ដហ្វីលីពីន ដ៏ល្បីមួយកាលពីជាង១០ឆ្នាំមុន គឺ ខ្សែភាពយន្ដរឿង « វាសនានាង ម៉ារ៉ា និង​ ក្លារ៉ា» ដែលខ្សែភាពយន្ដរឿងភាគមួយនេះបានធ្វើឲ្យ kathyrn  ទទួលបានប្រជាប្រិយភាព និងការគាំទ្រយ៉ាង ពេញទំហឹង ពីសំណាក់ទស្សនិកជនដែលបានទស្សនាភាពយន្ដភាគមួយនេះជាមួយនិង ការសម្ដែងដ៏ល្អឥតខ្ចោះរបស់នាង។

ជាក់ស្ដែង អ្នកគាំទ្រក៏ដូចជា ហ្វេនៗរបស់រូបនាង បានស្គាល់តារាវ័យក្មេងរូបនេះតាំងតែកាលពីជាង១០ឆ្នាំមុនឯណោះ អាចនិយាយបានថាតាំងតែពីរូបនាងនៅក្មេងជំទង់ មានសភាពស្បែករាងខ្មៅស្រអាប់ និងមិនទាន់ពរញរូបរាង មកម្លេះ។​ ដោយឡែក បើងាកមកមើល សម្រស់តារាវ័យក្មេងរូបនេះ នាពេលបច្ចុប្បន្ននេះ​វិញ កឺគេឃើញថាមានការផ្លាស់ប្តូរ ខ្លាំងមែនទែន គួរបញ្ជាក់ផងថាមកទល់ពេលនេះ នាងពេញរូបពេញរាង និងមានភាព​ ស្រស់ស្អាតជាខ្លាំងជាមួយនិងការវិវឌ្ឍន៍វ័យធម្មជាតិរបស់នាង ដែលមានដងខ្លួនខ្ពស់ស្រឡះ សាច់ឈាមភ្លឺស្រស់ថ្លា  បូករួមនិងទម្រងមុខដ៏សាកសមស្រស់ស្អាត សរម៉ដ្ឋរលោង និងគួរឲ្យទាក់ទាញ ជាហេតុដែលធ្វើឲ្យតារាស្រីវ័យក្មេងរូបនេះកាន់តែមានប្រជាប្រិយភាពខ្លាំងឡើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមទស្សនារូបភាពខាងក្រោម៖

• យុវវ័យ
• រូបភាព