ស័ង្កសីសំខាន់ប៉ុនណា ទើបប្រុសស្រីចង់បានកូន ចាំបាច់ញ៉ាំជាតិរ៉ែនេះ?

ក្រៅពីពពួកវីតាមីន ជាតិរ៉ែក៏សំខាន់ខ្លាំងណាស់ដែរចំពោះរាងកាយមនុស្សយើង ជាពិសេសបុរសស្ត្រីដែលចង់បានកូន។ ក្នុងនោះស័ង្កសីបានដើរតួនាទីសំខាន់ក្នុងបង្កើន បរិមាណ និងគុណភាពមេជីវិតឲ្យមានកាន់ច្រើន ថែមទាំងមានសុខភាពល្អ។

១. អ្វីទៅជាស័ង្កសី?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ស័ង្កសី (Zinc)ជាជាតិរ៉ែចាំបាច់បំផុតសម្រាប់សុខភាពមនុស្សយើង ហើយស័ង្កសីមិនអាចផលិតនៅក្នុងខ្លួនយើងបានឡើយ គឺត្រូវស្រូបយកពីអាហារដែលយើងញ៉ាំរាល់ថ្ងៃ។

២. តួនាទីស័ង្កសីក្នុងរាងកាយមនុស្សយើង

ស័ង្កសីមានតួនាទីសំខាន់ៗច្រើនយ៉ាងណាស់ ក្នុងនោះមានដូចជា ចូលរួមក្នុងការបំបែកកោសិកាមួយចំនួន ជួយប្រឆាំងវីរុស និងបាក់តេរី រួមចំណែកក្នុងសកម្មភាពកាតាលីកររបស់អង់ស៊ីមជាង ១០០ ប្រភេទ ពង្រឹងប្រព័ន្ធភាពស៊ាំ សំយោគប្រូតេអ៊ីន និង DNA ការជាសះនៃរបួស ជួយឲ្យប្រព័ន្ធជីវ្ហា និងឃានវិញ្ញាណដំណើរការល្អ។

ប៉ុន្តែអ្វីដែលពិសេសនោះ សរីរាង្គបុរស និងមេជីវិតឈ្មោលត្រូវការបរិមាណជាតិស័ង្កសីច្រើន ដើម្បីបង្កើនចំនួនអ័រម៉ូនតេស្តូតេរ៉ូនក្នុងឈាម។ កង្វះស័ង្កសី ធ្វើឲ្យអ័រម៉ូនតេស្តូតេរ៉ូនថយចុះ មាន Sperm DNA Fragmentation កាត់បន្ថយចំនួន និងគុណភាពមេជីវិត ប្រុសៗអាចនឹងអត់មានកូន។ ចំពោះស្រីៗវិញ ស័ង្កសីមាននាទីបំបែកកោសិកា ពេលអូវុលធ្លាក់មក និងបង្កើនចំនួន Prolactin ក្នុងឈាម។

៣. អាហារណាខ្លះសម្បូរស័ង្កសី?

ក្រៅពីពពួកថ្នាំវីតាមីន ស័ង្កសីក៏អាចរកបាននៅក្នុងចំណីអាហារប្រចាំថ្ងៃរបស់យើងដែរ មានដូចជា អយស្ទ័រ ក្តាម គ្រំ លៀស សាច់ក្រហម សាច់មាន់ ពពួកគ្រាប់ធញ្ញជាតិ មាន ល្ង ស្វាយចន្ទី គ្រាប់ឪឡឹក គ្រាប់ល្ពៅ គ្រាប់ផ្កាឈូករ័ត្ន សូកូឡាខ្មៅ ទឹកដោះគោជូរ ជាដើម។

៤. បរិមាណស័ង្កសីដែលបុរស និងស្ត្រីត្រូវការ

ត្បិតតែស័ង្កសីមានប្រយោជន៍ច្រើនចំពោះសុខភាព ប៉ុន្តែទាំងបុរសទាំងស្ត្រីត្រូវប្រយ័ត្នប្រយែងបន្តិច ព្រោះខ្វះស័ង្កសីធ្វើឲ្យប្រឈមបញ្ហាសុខភាព ហើយបើលើសវិញក៏គ្រោះថ្នាក់ដែរ។ ខាងក្រោមនេះជាបរិមាណត្រឹមត្រូវនៃការញ៉ាំជាតិស័ង្កសី។

– ប្រុសៗញ៉ាំ ១១ មិល្លីក្រាម/ថ្ងៃ
– ស្ត្រីធម្មតា ៨ មិល្លីក្រាម/ថ្ងៃ
– ស្ត្រី មានផ្ទៃពោះ ១១-១៣ មិល្លីក្រាម/ថ្ងៃ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ស័ង្កសីសំខាន់ប៉ុនណា ទើបប្រុសស្រីចង់បានកូន ចាំបាច់ញ៉ាំជាតិរ៉ែនេះ?

In Case You Missed It