បរទេស៖ នៅលើគណនីផ្ទាល់ខ្លួនអ៉ីនស្តារក្រាម របស់ តារាសម្តែងប្រុសលោក Dwayne Johnson ដែលគ្រប់គ្នាស្គាល់ថាជា The Rock បានធ្វើឲ្យ អ្នកតាមដានរបស់លោក មានការកោតសរសើរ ក៏ដូចជាលាត់មាត់ ពីជីវិតប្រចាំរបស់លោក ថាជា «លោកប៉ាគម្រូ» ដែលបានដើរតួនាទីជាឪពុកដ៏ល្អម្នាក់ សម្រាប់កូនស្រីរបស់តារាប្រុសរូបនេះ។
ជាក់ស្តែងតាមរូបភាពទាំងនោះ ធ្វើឱ្យទស្សនិកជនរំភើប នៅពេលតារាប្រុសវ័យ ៤៨ ឆ្នាំរូបនេះ បានចែករំលែកពេលដែលមានក្តីសុខជាមួយកូនស្រីទាំងពីរ ដែលគេសង្កេតឃើញថា តារាហូលីវូដ បានអង្គុយលេងតុក្កតាជាមួយកូនៗ មើលរឿងតុក្កតាជាមួយកូនយ៉ាងស្ងៀមស្ងាត់់ ក៏ដូចជាអង្គុយសិតសក់តែងខ្លួនឲ្យកូនស្រី មិនត្រឹមតែប៉ុណ្ណោះ បានចំណាយពេលជាច្រើនទៀត ដោយបានលេងប្រដាប់លេងជាមួយកូនតូចៗ មើលទៅរូបលោក ពិតជាដើរបានយ៉ាងល្អបំផុតក្នុងនាមជា ឪពុករបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរំលឹកផងដែរថា បច្ចុប្បន្ននេះ The Rock មានកូនចំនួន ៣ នាក់ ដែលកូនស្រីច្បងមានអាយុ ១៩ ឆ្នាំជាមួយនឹងប្រពន្ធដំបូងរបស់លោកតារាស្រី Dany Garcia ចំណែកឯកូនស្រីពីរនាក់ទៀតគឺ Jasmine អាយុ ៦ ឆ្នាំ និង Tiana អាយុ ៣ ឆ្នាំ ជាមួយនឹងប្រពន្ធក្រោយរបស់លោក តារាចម្រៀងស្រី Lauren Hashian៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
