ស្មាតហ្វូន XIAOMI ដែលអាចបត់អេក្រង់បាន បានលេចចេញក្នុងរូបភាពដំបូង

បរទេស៖ មានក្រុមហ៊ុនផលិតស្មាតហ្វូនជាច្រើន កំពុងគ្រោងនឹងបញ្ចេញស្មាតហ្វូនដែលអាចបត់អេក្រង់បាននៅឆ្នាំនេះ។ មួយក្នុងចំណោមនោះគឺមានក្រុមហ៊ុន Xiaomi ផងដែរ ដែលបានបង្ហាញគំរូស្មាតហ្វូនដែលអាចបត់បានតាំងតែពីនៅឆ្នាំ2019 ប៉ុន្តែមិនទាន់បានចេញជាផ្លូវការនៅឡើយ។

រូបគំរូនៃស្មាតហ្វូន Xiaomi មានអេក្រង់អាចបត់បាន ដែលមានការរចនាស្រដៀងនឹង Samsung Galaxy Z Flip បានបង្ហាញខ្លួននៅលើអ៉ីនធើណែត។ អេក្រង់ខាងក្រៅរបស់ស្មាតហ្វូននេះមានទំហំធំជាងមុន ធ្វើឱ្យវាអាចដាក់ព័ត៌មានបានច្រើន។ ឯការរចនានៃកាមេរ៉ាវិញត្រូវបានចម្លងពី Xiaomi Mi 11 ដែលវាមាន sensors ចាប់រូបភាពចំនួនបី និងភ្លើង flash LED ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មុននេះមានសេចក្តីរាយការណ៍មកថា ស្មាតហ្វូនដែលអាចបត់បានដំបូងរបស់ក្រុមហ៊ុន Xiaomi នឹងមានការរចនាដែលអាចការពារបន្ទះដែលអាចបត់បែនបាន ឱ្យកាន់តែប្រសើរ។ លើសពីនេះទៀត អេក្រង់ធំនឹងមិនមានរន្ធអ្វីនៅជុំវិញនោះទេ។ ស្មាតហ្វូន Xiaomi ដែលអាចបត់បាននេះ ត្រូវបានគេរំពឹងថានឹងប្រើប្រាស់បន្ទះបង្ហាញ OLED ដែលអាចបត់បែនបានរបស់ Samsung។

ប្រភពអះអាងថា វានឹងក្លាយជាស្មាតហ្វូនអេក្រង់បត់ ដែលមានតំលៃសមរម្យបំផុតនៅលើទីផ្សារ៕

• យុវវ័យ
• វិទ្យាសាស្រ្ត
• ជំនួញ
• ទូរសព្ទ