ដើរលេងជាមួយគ្នារហូត ពេលនេះ អាណារ៉ូស និយាយបែបនេះ ដាក់ កក្កដា សុភ័ណ្ឌ ក្រោយលោក ឆ្លងជំងឺកូវីដ១៩

ភ្នំពេញ៖ កាលពីថ្មីៗនេះ ក្រោយពីអន្ទិត កក្កដា​ សុភ័ណ្ឌ បានទៅចូលរួមពិធីមង្គលការនៅខេត្តតាកែវហើយ ហើយទើបប្រកាសតាមក្រោយថាបានឆ្លងកូវីដ១៩ ធ្វើឲ្យ​មានការភ្ញាក់ផ្អើលខ្លាំងពីសំណាក់មហាជនជាច្រើន ជាពិសេសអ្នកដែលបានទៅចូលរួមកម្មវិធីផ្ទាល់តែម្តង។

ជាការពិតណាស់ ខណៈពេលនេះ កក្កដា​ សុភ័ណ្ឌ កំពុងតែសម្រាកព្យាបាលជំងឺកូវីដ១៩ ដោយក្នុងនោះ ក៏មានមហាជនមួយចំនួនបានធ្វើការរិះគន់ទៅកាន់លោកដែរ ចំណែកមួយចំនួនទៀតក៏បានជូនពរទៅកាន់អន្ទិតរូបនេះវិញផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក រវាងកិច្ចសម្ភាសជាមួយនឹង តារាញូស៍ កញ្ញា អាណារ៉ូស ម្ចាស់បទ «ចេកខ្ទិះ» បានធ្វើការជូនពរចំពោះ អន្ទិត កក្កដា​ ពីចំងាយឲ្យ​បានឆាប់ជាពីជំងឺកូវីដ១៩ ដោយសារតែ កញ្ញាមិនអាចជួយអ្វីបានលើសពីនេះទៀតដែរ ដោយសារតែជំងឺនេះ ត្រូវការមើលថែទាំពីខាងគ្រូពេទ្យទៅវិញនោះទេ។ ហើយនាងក៏បានបញ្ជាក់ថា កក្កដា​ សុភ័ណ្ឌ ចូលចិត្តលេងសើចច្រើន តែរូបលោក មិនអាក្រក់ ឬពុតត្បុត អ្វីនោះទេ។ ចំណែកមហាជនមួយចំនួនក៏បានជូនពរទៅកាន់កក្កដា សុភ័ណ្ឌឲ្យ​ឆាប់ជាពីជំងឺកូវីដ១៩នេះដួចគ្នាផងដែរ៕

ប្រភព៖ តារាញូស៍

សូមចូលទស្សនារូបភាពខាងក្រោម៖

• យុវវ័យ
• តារាខ្មែរ